Qarshi shahridagi Alisher Navoiy nomidagi istirohat bog‘ida fuqarolarga zo‘ravonlik qilib, ularning telefoni va velosipedini tortib olgan talonchilarga jinoiy ish qo‘zg‘atildi. Bu haqda viloyat IIB axborot xizmati xabar berdi.
Ma’lum qilinishicha, Qarshi shahridagi “Tabassum” mahallasida yashovchi X.B. shahar IIO FMB 1-sonli IIBga ariza bilan murojaat qilib, 2021-yil 7-iyun kuni soat 06:30 da shahardagi Alisher Navoiy nomidagi istirohat bog‘ida muqaddam sudlangan mahalladoshi K.B. va uning sherigi uni urib, cho‘ntagidagi 1,5 million so‘mlik telefonini tortib olganini ma’lum qilgan.Viloyat IIBning qo‘shimcha qilishicha, mazkur arizaga ko‘ra surishtiruv ishlari olib borilgan. Va talonchilarning shu kuni soat 11:00 da ham shu istirohat bog‘ida Qarshi tumani “Paxtazor” mahallasida yashovchi fuqarolar — Q.D.ning 280 ming so‘mlik, M.S.ning esa 300 ming so‘mlik velosipedini tortib olgani ma’lum bo‘lgan.
“Talonchilardan fuqarolarning mol-mulklari daliliy ashyo sifatida olinib, holat yuzasidan Qarshi shahar IIO FMB 1-sonli IIB TB tomonidan jinoyat ishi qo‘zg‘atildi”, — deyiladi boshqarma xaborot xizmati xabarida.
Izoh (0)