Қарши шаҳридаги Алишер Навоий номидаги истироҳат боғида фуқароларга зўравонлик қилиб, уларнинг телефони ва велосипедини тортиб олган талончиларга жиноий иш қўзғатилди. Бу ҳақда вилоят ИИБ ахборот хизмати хабар берди.
Маълум қилинишича, Қарши шаҳридаги «Табассум» маҳалласида яшовчи Х.Б. шаҳар ИИО ФМБ 1-сонли ИИБга ариза билан мурожаат қилиб, 2021 йил 7 июнь куни соат 06:30 да шаҳардаги Алишер Навоий номидаги истироҳат боғида муқаддам судланган маҳалладоши К.Б. ва унинг шериги уни уриб, чўнтагидаги 1,5 миллион сўмлик телефонини тортиб олганини маълум қилган.Вилоят ИИБнинг қўшимча қилишича, мазкур аризага кўра суриштирув ишлари олиб борилган. Ва талончиларнинг шу куни соат 11:00 да ҳам шу истироҳат боғида Қарши тумани «Пахтазор» маҳалласида яшовчи фуқаролар — Қ.Д.нинг 280 минг сўмлик, М.С.нинг эса 300 минг сўмлик велосипедини тортиб олгани маълум бўлган.
«Талончилардан фуқароларнинг мол-мулклари далилий ашё сифатида олиниб, ҳолат юзасидан Қарши шаҳар ИИО ФМБ 1-сонли ИИБ ТБ томонидан жиноят иши қўзғатилди», — дейилади бошқарма хаборот хизмати хабарида.
Изоҳ (0)