AQShning Mayami shtatida Kris Sendler ismli erkak uyida o‘tirgan holda o‘zining 200 ming dollarlik Lamborghini Urus’ini kimdir o‘t oldirganini eshitib qolgan. Mashina egasi politsiya kelishini kutib o‘tirmasdan, skuterda mashina o‘g‘risining ortidan quvishga tushgan. Qonunbuzar fuqaroni qo‘lga olish qiyinchilik tug‘dirmagan, deb xabar beradi Motor.
Kris Sandlerning so‘zlariga ko‘ra, u uy ishlarini qilayotgan vaqtida derazadan Lamborghini Urus’ining dvigateli ishlayotganini eshitib qolgan. Erkak yo‘ltanlamasning kaliti o‘zidan boshqa insonda yo‘qligini bilgan holda tezda hushyor tortgan. Derazadan qaragach esa mashinasida noma’lum shaxs o‘tirganini ko‘rgan.
Erkak darhol politsiyaga qo‘ng‘iroq qilgan. Kris patrulning kelishini kutib o‘tirmasdan, garajidagi skuterga minib, mashina o‘g‘risining ortidan quvlashga tushgan. U bir necha dahadan so‘ng, qonunbuzarga yetib olishga muvaffaq bo‘lgan. Yo‘l chetida turgan Lamborghini’sini ko‘rgan Kris avtomobil oldiga borib, rulda 14 yoshli o‘smir o‘tirganini va u tanishlariga yo‘ltanlamasni qanday qilib o‘g‘irlaganini maqtanib aytib berayotganini ko‘rgan.
Voqea joyiga yetib kelgan politsiyachilar yosh mashina o‘g‘risini qo‘lga olib, uni uy qamog‘iga joylashtirgan. Ma’lum bo‘lishicha, o‘smir tomonidan bunga qadar ham shu turdagi jinoyatlar sodir etilgan. Endilikda uni voyaga yetmagalar ishi bo‘yicha sud kutmoqda.
Avvalroq AQShda voyaga yetmagan opa-singil okeanga borish uchun ota-onasining Malibu’sini minib qochgani, biroq ular safarning 16-kilometrida yuk mashinasiga urilgani, Nyu-Yorkda ikki bolakay oilaviy Range Rover’ni minib qochib, 160 km yo‘l bosgani to‘g‘risida xabar berilgandi.
Izoh (0)