Umumiy foydalanish uchun mo‘ljallangan transport kartalari egalari avtomat tarzida, 10-avgustga qadar davom etadigan aksiya ishtirokchisiga aylanadi.
ATTO kompaniyasi keng miqyosli yutuqli o‘yinining birinchi g‘oliblari nomlari ma’lum bo‘ldi. Omadi kulganlarni — 100 minginchi, 250 minginchi, 500 minginchi yo‘lovchilarni tizimning o‘zi, 10-maydan 10-iyungacha bo‘lgan davrdagi tranzaksiyalar bo‘yicha aniqladi. Qimmatbaho yutuqlar “Buyuk ipak yo‘li” metro stansiyasida, tantanali tarzda topshirildi.
Omonov Jasurbek oyning 100 minginchi yo‘lovchisi bo‘ldi. Yutuq sifatida u simsiz quloqchinga ega bo‘ldi. Matchanov Mo‘min 250 minginchi yo‘lovchi bo‘ldi va Xiaomi smart soatini yutib oldi. Jumaxunova Hamida 500 minginchi yo‘lovchi bo‘ldi va u ATTO kompaniyasidan Samsung Galaxy A12 smartfonini oldi.
“Men ancha vaqtdan beri ATTO transport kartasidan foydalanib kelaman, bu juda qulay va foydali. Asosan avtobusda yuraman. Aksiya o‘tkazilayotgani haqidagi reklamani ko‘rgandim, lekin to‘g‘risini aytsam, unga alohida e’tibor bermagan edim. Kutilmaganda menga qo‘ng‘iroq qilishdi va smartfon yutib olganimni aytishdi. Albatta, bu juda quvonarli bo‘ldi. Katta rahmat! ATTO kompaniyasiga yanada gullab-yashnashini, jamoat transporti yo‘lovchilariga esa yutuqli o‘yinning keyingi bosqichlarida omad yor bo‘lishini tilayman”, — deb Hamida Jumaxunova o‘z taassurotlari bilan bo‘lishdi.
Eslatib o‘tamiz, ATTO kompaniyasi keng miqyosli yutuqli o‘yinni o‘tkazmoqda, SMS xabar xizmatiga ulangan transport kartasidan foydalanuvchi, Toshkent shahri jamoat transportining har bir yo‘lovchisi avtomat tarzida uning ishtirokchisiga aylanadi.
Yutuqlarni yutib olish uchun layklar to‘plash yoki murakkab topshiriqlarni bajarish kerak emas, tizimning o‘zi tranzaksiyalar bo‘yicha baxti kulganlarni avtomat tarzda aniqlaydi. Qimmatbaho sovg‘alar orasida — smartfonlar, fitnes brasletlar, power bank’lar, quloqchinlar va transportda 100 marta bepul yurish kabi yutuqlar bor. G‘oliblarning nomlari har oyda aniqlanadi. Yutuqli o‘yin yozning oxirigacha, yani 10-avgustga qadar davom etadi.
Yutuqli o‘yinda ishtirok etish uchun karta SMS xabar xizmatiga ulangan bo‘lishi zarur. Kiruvchi SMS uchun haq olinmaydi.
Aksiya faqat SMS xabar xizmatiga ulangan, umumiy foydalaniladigan transport kartalari orasida o‘tkaziladi. Imtiyozli transport kartalari va bank kartalari yutuqli o‘yinda ishtirok etmaydi.
Bizning ijtimoiy tarmoqlarimizga obuna bo‘ling va ATTO kompaniyasining yangiliklar va aksiyalaridan xabardor bo‘ling:
Telegram: https://t.me/attouz
Facebook: https://www.facebook.com/atto.uz/
Instagram: https://instagram.com/atto_uz?igshid=1rqr9epwrceui
Reklama huquqi asosida.
Izoh (0)