Mobil qurilmalarning yagona bazasi nima uchun kerak? Mobil qurilmalarni o‘g‘irlash hamda soxta telefonlarni import qilish muammosini hal qilish uchun...
Asosiy maqsad esa iste’molchilar huquqlarini himoya qilish, O‘zbekiston Respublikasiga sifatsiz mobil qurilmalarni import qilish va savdosining oldini olishdir.
Mobil qurilmalarning IMEI kodlarini ro‘yxatdan o‘tkazish tizimi bu — mobil qurilmangizni va ayniqsa, shaxsiy ma’lumotlaringizni uchinchi shaxslar harakatlaridan himoya qiladigan yagona apparat himoyasi. Mobil qurilmalarni noqonuniy olib kirish (kontrabanda) shaxslarning noqonuniy xatti-harakatlari tufayli yuzaga keladi. Tizim operatori va maxsus organlar ro‘yxatga olish tizimini takomillashtirish bo‘yicha hamda ular tomonidan aniqlangan jinoyatlar va suiiste’molliklarni bartaraf etish bo‘yicha ham doimiy ish olib bormoqda, deb xabar beradi “O‘zTTBRM” DUK matbuot xizmati.
Asosiy vazifa — telefon o‘g‘irligiga qarshi kurash. Tizim o‘g‘irlangan telefonlar aylanmasiga qarshi kurashishning samarali mexanizmi bo‘lib, qonun loyihasi muammoni haqiqatdan ham bartaraf etdi. Chunki o‘g‘ri uzoqdan bloklanishi mumkin bo‘lgan telefonni o‘g‘irlashi mantiqsizlikdir. Sim karta bilan jihozlangan barcha qurilmalar (Sim modulli smartfonlar, planshetlar, mobil-funksional telefonlar, portativ qurilmalar, jumladan, PDA (Pocket PC), shaxsiy qurilmalar) qonun loyihasi ta’siriga bo‘ysunadi. Tizim ishga tushurilgandan buyon, shu yilning 1-mayigacha tizim operatorlari tomonidan yaratilgan 8,3 million IMEI kodlar ro‘yxatdan o‘tkazildi. Shu jumladan:
- importchilar — 3,8 million;
- mahalliy ishlab chiqaruvchilar — 680 ming;
- jismoniy shaxslar — 3,8 million.
Call-centre: 1170
E-mail: info@uzimei.uz
Veb-sayt: https://uzimei.uz
Instagram: uzimeiofficial
YouTube: UzIMEI Uz
Reklama huquqi asosida.
Izoh (0)