UzIMEIнинг барқарор келажакни ривожлантиришга қўшган ҳиссаси

Мобил қурилмаларнинг ягона базаси нима учун керак? Мобил қурилмаларни ўғирлаш ҳамда сохта телефонларни импорт қилиш муаммосини ҳал қилиш учун...

Асосий мақсад эса истеъмолчилар ҳуқуқларини ҳимоя қилиш, Ўзбекистон Республикасига сифатсиз мобил қурилмаларни импорт қилиш ва савдосининг олдини олишдир.

Мобил қурилмаларнинг IMEI кодларини рўйхатдан ўтказиш тизими бу — мобил қурилмангизни ва айниқса, шахсий маълумотларингизни учинчи шахслар ҳаракатларидан ҳимоя қиладиган ягона аппарат ҳимояси. Мобил қурилмаларни ноқонуний олиб кириш (контрабанда) шахсларнинг ноқонуний хатти-ҳаракатлари туфайли юзага келади. Тизим оператори ва махсус органлар рўйхатга олиш тизимини такомиллаштириш бўйича ҳамда улар томонидан аниқланган жиноятлар ва суиистеъмолликларни бартараф этиш бўйича ҳам доимий иш олиб бормоқда, деб хабар беради «ЎзТТБРМ» ДУК матбуот хизмати.

Асосий вазифа — телефон ўғирлигига қарши кураш. Тизим ўғирланган телефонлар айланмасига қарши курашишнинг самарали механизми бўлиб, қонун лойиҳаси муаммони ҳақиқатдан ҳам бартараф этди. Чунки ўғри узоқдан блокланиши мумкин бўлган телефонни ўғирлаши мантиқсизликдир. SIM карта билан жиҳозланган барча қурилмалар (SIM модулли смартфонлар, планшетлар, мобил-функционал телефонлар, портатив қурилмалар, жумладан, PDA (Pocket PC), шахсий қурилмалар) қонун лойиҳаси таъсирига бўйсунади. Тизим ишга тушурилгандан буён, шу йилнинг 1 майигача тизим операторлари томонидан яратилган 8,3 миллион IMEI кодлар рўйхатдан ўтказилди. Шу жумладан:

• импортчилар — 3,8 миллион;
• маҳаллий ишлаб чиқарувчилар — 680 минг;
• жисмоний шахслар — 3,8 миллион.

Тизим смартфон эгаларига ўғирланган мобил қурилмаларини самарали топишда ёрдам беради. «ЎзТТБРМ» ДУК  матбуот хизмати вакили бу тизим жиноятчилик, ўғирлик ва контрабанда даражасини пасайтириш учун абонент қурилмаларини аниқроқ аниқлаш ва уларни блок қилишга ёрдам беради, деб ҳисоблайди. Концепция жаҳон амалиётини ҳисобга олган ҳолда ишлаб чиқилган ва уни амалга ошириш фойдаланувчилар учун қулай форматни назарда тутади. Қурилмаларни харидорлар сотиб олиш пайтида улар қурилмаларнинг ҳолатини текшириш имкониятига эга бўлади. IMEI маълумотларини текширишнинг техник имконияти uzimei.uz расмий веб-сайтида мавжуд.

Call-centre: 1170

E-mail: info@uzimei.uz

Веб-сайт: https://uzimei.uz

Instagram: uzimeiofficial

YouTube: UzIMEI Uz

Реклама ҳуқуқи асосида.