Jons Hopkins universiteti ma’lumotlariga ko‘ra, dunyoda koronavirusga chalinganlar soni 176 648 586 kishini tashkil qilmoqda, shularning 3 822 869 nafari vafot etgan. Kasallanganlar soni bo‘yicha yetakchi mamlakatlar quyidagilar: AQSh (33,4 million), Hindiston (29,6 million), Braziliya (17,5 million), Fransiya (5,8 million) va Turkiya (5,3 million).
Ukraina “Sputnik V” vaksinasi bilan emlangan odamlarni o‘z hududiga kiritmayapti
Ukraina vaksinatsiya pasportida Rossiyaning koronavirusga qarshi “Sputnik V” vaksinasi ko‘rsatilgan fuqarolarni o‘z hududiga kiritmayapti, chunki u Jahon sog‘liqni saqlash tashkiloti (JSST) va Ukraina tomonidan tan olinmagan.Chegara xizmati mas’ullarining aytishicha, JSST va Ukraina tomonidan tan olingan vaksinalargina Ukrainaga kirish imkoniyatini beradi.
Agar chet el fuqarosi “Sputnik V” bilan emlangan bo‘lsa va manfiy javobli PZR-testi bo‘lmasa, kiritilmaydi, ammo Ukraina fuqarolari o‘z-o‘zini yakkalash rejimiga o‘tadi yoki observatsiyaga ketadi.
Sog‘liqni saqlash vazirligi aniqlik kiritishicha, amaldagi qonunchilikka ko‘ra, Ukrainaga kirish uchun PZR-test yoki ekspress-testning manfiy natijasini yoki bo‘lmasa, COVID-19’ga qarshi JSST tomonidan ma’qullangan vaksinalar bilan to‘liq emlanganlik haqidagi hujjatni taqdim etish kerak.
Olimlar koronavirusdan himoyalanishning noodatiy usulini ma’lum qildi
Yel universiteti olimlari COVID-19’ga qarshi himoyalanishning kutilmagan usulini oshkor qildi. Ularning fikricha, shamollash virusi bemor organizmida ishga tushiradigan immun javobi uning koronavirus bilan kasallanishiga yo‘l qo‘ymaydi.Mutaxassislar laboratoriyada nafas yo‘llari to‘qimasini o‘stirib, avval unga shamollashni keltirib chiqaradigan rinovirusni, so‘ng koronavirusni ham yuqtirdi. Birinchi virus ta’sirida immun tizimi faollashib, COVID-19’ning tarqalishini to‘xtatdi. Olimlar umid qilishicha, tadqiqot natijalari infeksiyani davolashning yanada samaraliroq usullarini ishlab chiqishda yordam beradi.
Shu bilan birga, mutaxassislar ta’kidlashicha, davolashning bunday usuli bemor koronavirusga chalinganidan keyin maksimal darajada tezkorlik bilan qo‘llanilishi kerak.
“Hammasi vaqtga bog‘liq. Viruslar o‘rtasida bizga unchalik tushunarli bo‘lmagan yashirin bog‘liqliklar bor. Olingan natijalar biz yechimini axtarayotgan boshqotirmaning bir qismidir”, — dedi Yel tibbiyot maktabi dotsenti Ellen Foksman.
Mavzuga doir: AQShda COVID-19 simptomlari paydo bo‘lishidan himoya qiluvchi dori klinik sinovlardan muvaffaqiyatli o‘tdi
Nyu-Yorkda shaharliklarning 70 foizi emlanib bo‘lgani munosabati bilan mushakbozlik uyushtirildi
Nyu-York ma’muriyati 15-iyun kuni shahar aholisining 70 foizi kamida bitta doza bilan emlangani sharafiga mushakbozlik uyushtirdi. Shaharda karantin cheklovlari yumshatilmoqda.Salyut 20 daqiqa davom etgan va nyu-yorkliklar uchun kutilmagan sovg‘a bo‘lgan.
“70 foiz nima degani? Bu shuni bildiradiki, endi biz o‘zimiz bilgan hayotga qaytishimiz mumkin”, — dedi shahar meri Endryu Kuomo.
Endi kinoteatrlar tomoshabinlar o‘rtasida joy qoldirishi, restoranlar xo‘randalar oralig‘idagi ikki metrlik masofani nazorat qilishi, do‘konlar esa mijozlar sonini cheklashi shart bo‘lmaydi.
Shunga qaramay, Nyu-York aholisi maktab, metro, stadion, uysizlar uchun boshpana, kasalxona, qariyalar uyi va qamoqxonalarda niqob taqishi kerak bo‘ladi.
Izoh (0)