Meksikaning Xalisko shtatida yuk poyezdi relsdan chiqib ketib, turar joylarga urilishi oqibatida kamida bir kishi halok bo‘ldi va yana uch nafar odam jarohatlandi. Bu haqda favqulodda vaziyatlar bo‘yicha mahalliy boshqarma axborotiga tayanib “Korrespondent.net” xabar berdi.
Halokatning sodir bo‘lish sabablari haqida ma’lumot berilmagan. Vakolatli organlar yaqin vaqt ichida hodisa sabablarini o‘rganish bo‘yicha tergov ishlarini boshlaydi.
Avval iyunda Pokistonda ikkita poyezd to‘qnashuvi oqibatida 30 kishi halok bo‘lgani, mayda Mexikoda metro ko‘prigi qulashi oqibatida halok bo‘lganlar soni 23 kishiga yetgani, aprel oyida Tayvanda poyezd relsdan chiqib ketgani va oqibatda 36 kishi hayotdan ko‘z yumgani haqida xabarlar berilgan.
Izoh (0)