Jazirama yoz ham keldi. Issiq sababli uyda o‘tirib bo‘lmay qoldimi? Kechalari konditsioner yoki ventilyatorsiz uxlay olmaydigan bo‘lib qoldingizmi? Demak, siz Ekover haqida hali eshitmagansiz. Muammoning o‘zi bilan emas, kelib chiqish manbasi bilan kurashsangiz, undan qutilasiz. Ekover mineral paxtalari sizni bosh og‘riqlardan xalos etadi. Yoz kelishi bilan darrov “toqqa surish”ni reja qilgan bo‘lsangiz, demak, bu maqola aynan siz uchun.
Yozda eng katta muammo uyni salqin saqlash. Uy ichidagi salqinlik (qishda issiqlik)ning 30 foizi tomdan, 25 foizi devordan, 5 foizi poldan, 15 foizi eshik va derazalardan chiqib ketadi, tashqaridagi harorat ham xuddi shu tarzda kirib keladi. Yoz kunlarida quyosh uyni asosan tomdan qizdiradi. Bordiyu uyning tomi tunuka bilan yopilgan bo‘lsa, u bir necha barobar tezroq qiziydi.
Aytaylik, tashqarida +40 daraja bo‘lganda, tomning tagida bu +70, +80 darajani hosil qiladi. Endi har soniyada bu issiqlikning tepadan urib turishini esa tasavvur qilavering. O‘z-o‘zidan xonalar o‘tirib bo‘lmaydigan darajada isib ketadi. Derazani ochay desangiz, tashqaridan garmsel uradi.
Bunaqa paytda ko‘pchilik muammoni konditsioner sotib olish bilan hal qilmoqchi bo‘ladi. Biroq tomdan urayotgan issiqlik bilan konditsionerdan chiqayotgan sovuq havo aralashib, xonadagi namlikni oshirib yuboradi va yana derazalarni ochishga to‘g‘ri keladi. Konditsioner esa uzluksiz ishlayveradi, elektr hisoblagich ham aylanaveradi. Qishda esa buning aksi, siz ichkaridan turib isitaverasiz, tashqaridan sovuq aralashib, xonalar terlaydi, devorlaringizni mog‘or bosadi. Buyog‘iga zanjir reaksiyasi kabi bir muammo ketidan boshqasi chiqib kelaveradi. Har ikkala holatda ham elektr toki yoki tabiiy gaz sarfi keskin oshib ketadi. Bu kabi kommunal ehtiyojlar maoshingizning anchagina qismini “yeb qo‘yishi” hech gap emas.
Aslida, hammasi juda oddiy
Bu vaziyatda birgina mineral paxta deb ataluvchi qurilish materialining o‘zi muammoni hal etishini esa ko‘pchilik bilmaydi.
Energiya tejamkor mineral paxta xona haroratini bir me’yorda saqlashga qilayotgan xarajatingizni sezilarli darajada kamaytiradi. Uyning tomi, devorlari u bilan qoplab chiqilsa bas, shu bilan bu kabi boshog‘riqlarni 50 yilga unutasiz. Mineral paxta – siz uyda bo‘lmagan paytda ham siz uchun tinimsiz ishlaydi.
Bilmasangiz, bilib oling!
Mineral paxta – bu ekologik toza, mineral xomashyolardan tayyorlanadigan qurilish materiali bo‘lib, tashqi muhitga juda yaxshi moslasha olishi va anchagacha o‘z xususiyatini yo‘qotmay turishi (50 yildan ko‘proq) tufayli ko‘p yillardan buyon qurilish ishlarida, xonadonlar va ko‘p qavatli uylarni ta’mirlash jarayonida keng foydalanib kelinadi. Biroq bizda hamma ham u haqida yetarli ma’lumotga ega emas. Bor ma’lumotlar esa to‘liq emas yoki noto‘g‘ri bo‘lishi mumkin. Masalan, ushbu termoizolyatsion qurilish materialini ko‘pchilik faqat sovuqdan saqlashda ishlatiladi deb o‘ylaydi. Aslida esa mineral paxta mavjud haroratni ushlab turadi, ya’ni qishda xonadagi issiq, yozda esa sovuq haroratning bir me’yorda bo‘lishini ta’minlaydi. Bundan tashqari, ko‘chadan keladigan shovqinni sezilarli darajada pasaytiradi.
O‘zimizniki!
Hozirda mineral paxtaning ko‘plab turlarini uchratish mumkin. Xususan, Jizzaxda Ekover brendi ostida mineral paxtadan tayyorlangan bir qator qurilish materiallari ishlab chiqariladi.
Ekover
- turli kimyoviy ta’sirlar va kuchli shamolga chidamli;
- yong‘inga qarshi;
- shovqin, namlikdan himoya, termoizolyatsion xususiyatlarga ega;
- parlanmaydi, devorlarda zamburug‘lar hosil qilmaydi, qulay mikroiqlimni ta’minlaydi;
- o‘rnatish oson va uzoq vaqt xizmat qiladi;
- allergiya qo‘zg‘atmaydi!
Shuningdek, tomni qoplash uchun yaqinda ishlab chiqarilgan Ekover Karkas deb ataluvchi rulondan foydalanish maqsadga muvofiq. Ekover Karkas – bu montaj qilishga qulay, ortiqcha kuch va vaqt talab etmaydigan, yengil mineral paxta o‘rami hamda plitalari bo‘lib, uni o‘rnatish juda oson. U xona haroratini bir me’yorda ushlab turadi. Kompaniya o‘z mijozlariga qulaylik yaratish maqsadida Toshkent va Toshkent viloyati bo‘ylab bepul o‘rnatib berish xizmatini ham yo‘lga qo‘ygan. Bu tajriba O‘zbekistonning barcha viloyatlarida ham qo‘llaniladi.
Yoz faslining qaynoq harorati tobora yaqinlashmoqda. Shunday ekan, ko‘p o‘ylab o‘tirmay uyingiz tomi, devorlarini ekologik toza, tejamkor va shovqindan himoyalovchi xususiyatga ega Ekover mineral paxtalari bilan jihozlang. Bu bilan siz yangi konditsioner puli evaziga o‘zingiz va yaqinlaringizni yoz chillasida issiqdan saqlaysiz.
Ekover ijtimoiy tarmoqlarda:
Qo‘shimcha ma’lumot uchun telefon: +99871 207 67 76
Reklama huquqi asosida.
Izoh (0)