Жазирама ёз ҳам келди. Иссиқ сабабли уйда ўтириб бўлмай қолдими? Кечалари кондиционер ёки вентиляторсиз ухлай олмайдиган бўлиб қолдингизми? Демак, сиз Ekover ҳақида ҳали эшитмагансиз. Муаммонинг ўзи билан эмас, келиб чиқиш манбаси билан курашсангиз, ундан қутиласиз. Ekover минерал пахталари сизни бош оғриқлардан халос этади. Ёз келиши билан дарров «тоққа суриш»ни режа қилган бўлсангиз, демак, бу мақола айнан сиз учун.
Ёзда энг катта муаммо уйни салқин сақлаш. Уй ичидаги салқинлик (қишда иссиқлик)нинг 30 фоизи томдан, 25 фоизи девордан, 5 фоизи полдан, 15 фоизи эшик ва деразалардан чиқиб кетади, ташқаридаги ҳарорат ҳам худди шу тарзда кириб келади. Ёз кунларида қуёш уйни асосан томдан қиздиради. Бордию уйнинг томи тунука билан ёпилган бўлса, у бир неча баробар тезроқ қизийди.
Айтайлик, ташқарида +40 даража бўлганда, томнинг тагида бу +70, +80 даражани ҳосил қилади. Энди ҳар сонияда бу иссиқликнинг тепадан уриб туришини эса тасаввур қилаверинг. Ўз-ўзидан хоналар ўтириб бўлмайдиган даражада исиб кетади. Деразани очай десангиз, ташқаридан гармсел уради.
Бунақа пайтда кўпчилик муаммони кондиционер сотиб олиш билан ҳал қилмоқчи бўлади. Бироқ томдан ураётган иссиқлик билан кондиционердан чиқаётган совуқ ҳаво аралашиб, хонадаги намликни ошириб юборади ва яна деразаларни очишга тўғри келади. Кондиционер эса узлуксиз ишлайверади, электр ҳисоблагич ҳам айланаверади. Қишда эса бунинг акси, сиз ичкаридан туриб иситаверасиз, ташқаридан совуқ аралашиб, хоналар терлайди, деворларингизни моғор босади. Буёғига занжир реакцияси каби бир муаммо кетидан бошқаси чиқиб келаверади. Ҳар иккала ҳолатда ҳам электр токи ёки табиий газ сарфи кескин ошиб кетади. Бу каби коммунал эҳтиёжлар маошингизнинг анчагина қисмини «еб қўйиши» ҳеч гап эмас.
Аслида, ҳаммаси жуда оддий
Бу вазиятда биргина минерал пахта деб аталувчи қурилиш материалининг ўзи муаммони ҳал этишини эса кўпчилик билмайди.
Энергия тежамкор минерал пахта хона ҳароратини бир меъёрда сақлашга қилаётган харажатингизни сезиларли даражада камайтиради. Уйнинг томи, деворлари у билан қоплаб чиқилса бас, шу билан бу каби бошоғриқларни 50 йилга унутасиз. Минерал пахта – сиз уйда бўлмаган пайтда ҳам сиз учун тинимсиз ишлайди.
Билмасангиз, билиб олинг!
Минерал пахта – бу экологик тоза, минерал хомашёлардан тайёрланадиган қурилиш материали бўлиб, ташқи муҳитга жуда яхши мослаша олиши ва анчагача ўз хусусиятини йўқотмай туриши (50 йилдан кўпроқ) туфайли кўп йиллардан буён қурилиш ишларида, хонадонлар ва кўп қаватли уйларни таъмирлаш жараёнида кенг фойдаланиб келинади. Бироқ бизда ҳамма ҳам у ҳақида етарли маълумотга эга эмас. Бор маълумотлар эса тўлиқ эмас ёки нотўғри бўлиши мумкин. Масалан, ушбу термоизоляцион қурилиш материалини кўпчилик фақат совуқдан сақлашда ишлатилади деб ўйлайди. Аслида эса минерал пахта мавжуд ҳароратни ушлаб туради, яъни қишда хонадаги иссиқ, ёзда эса совуқ ҳароратнинг бир меъёрда бўлишини таъминлайди. Бундан ташқари, кўчадан келадиган шовқинни сезиларли даражада пасайтиради.
Ўзимизники!
Ҳозирда минерал пахтанинг кўплаб турларини учратиш мумкин. Хусусан, Жиззахда Ekover бренди остида минерал пахтадан тайёрланган бир қатор қурилиш материаллари ишлаб чиқарилади.
Ekover
- турли кимёвий таъсирлар ва кучли шамолга чидамли;
- ёнғинга қарши;
- шовқин, намликдан ҳимоя, термоизоляцион хусусиятларга эга;
- парланмайди, деворларда замбуруғлар ҳосил қилмайди, қулай микроиқлимни таъминлайди;
- ўрнатиш осон ва узоқ вақт хизмат қилади;
- аллергия қўзғатмайди!
Шунингдек, томни қоплаш учун яқинда ишлаб чиқарилган Ekover Karkas деб аталувчи рулондан фойдаланиш мақсадга мувофиқ. Ekover Karkas – бу монтаж қилишга қулай, ортиқча куч ва вақт талаб этмайдиган, енгил минерал пахта ўрами ҳамда плиталари бўлиб, уни ўрнатиш жуда осон. У хона ҳароратини бир меъёрда ушлаб туради. Компания ўз мижозларига қулайлик яратиш мақсадида Тошкент ва Тошкент вилояти бўйлаб бепул ўрнатиб бериш хизматини ҳам йўлга қўйган. Бу тажриба Ўзбекистоннинг барча вилоятларида ҳам қўлланилади.
Ёз фаслининг қайноқ ҳарорати тобора яқинлашмоқда. Шундай экан, кўп ўйлаб ўтирмай уйингиз томи, деворларини экологик тоза, тежамкор ва шовқиндан ҳимояловчи хусусиятга эга Ekover минерал пахталари билан жиҳозланг. Бу билан сиз янги кондиционер пули эвазига ўзингиз ва яқинларингизни ёз чилласида иссиқдан сақлайсиз.
Ekover ижтимоий тармоқларда:
Қўшимча маълумот учун телефон: +99871 207 67 76
Реклама ҳуқуқи асосида.
Изоҳ (0)