Joriy yilning 7-iyun kuni Murad Buildings va Turkiyaning Özgüven Mimarlik kompaniyalari asoschilari, mutaxassislar va jurnalistlar ishtirokida matbuot anjumani bo‘lib o‘tdi. Unda Tashkent City loyihasi doirasida qurilayotgan Nest One majmuasi bo‘yicha batafsil ma’lumotlar berildi. Balandligi 266,5 metrni tashkil etadigan ushbu loyiha nafaqat O‘zbekistondagi, balki Markaziy Osiyodagi eng baland bino bo‘lishi kutilmoqda.
Matbuot anjumani davomida so‘zga chiqqan Murod Nazarov va O‘zgur Onur O‘zguvenning so‘zlariga ko‘ra Nest One loyihasi dunyodagi eng ilg‘or muhandislik texnologiyalaridan foydalangan holda qurilmoqda.
Tadbir davomida qurilish bozori uchun yangilik bo‘lgan yangi reklama kampaniyasining boshlanishi haqida e’lon qilindi, ilgari developerlik loyihalari tomonidan bunday takliflar berilmagan.
Nest One majmuasi investitsiya kiritish uchun eng daromadli loyihalardan biri hisoblanadi. Loyiha mualliflari majmuaning noyob konsepsiyasidan tashqari, xaridorlar kafolatlangan daromadga ega bo‘lishlari haqida ham e’lon qilishdi. Ma’lumki, Nest One loyihasi bo‘yicha qurilish ishlari 2019-yil sentabr oyida boshlangan. Loyihaning boshida ko‘chmas mulk sotib olgan xaridorlar bugungi kunga kelib 40 foiz daromadga ega bo‘lishgan. Yangi reklama kampaniyasiga ko‘ra, Nest One majmuasidagi istalgan ko‘chmas mulkni 100 foiz oldindan to‘lov bilan sotib olgan xaridor nafaqat 25 foiz chegirmaga, balki loyihaning oxirida o‘z mulkini sotishga qaror qilsa, ko‘chmas mulk umumiy qiymatining 25 foiz miqdoridagi keshbekka ham ega bo‘ladi. Ya’ni xonadon, ofis yoki do‘kon sotib olgan investor, qurilish ishlari yakunlanganidan so‘ng ko‘chmas mulkni 25 foiz foyda bilan qayta sotish imkoniyatini qo‘lga kiritadi.
Ushbu taklif jamoaning o‘z loyihasiga bo‘lgan to‘liq ishonchini, shuningdek, hozirgi pandemiya sharoitida mijozlarga eng qulay shartlarda kafolatlangan daromadga ega investitsiyani taklif etish istagini yana bir bor tasdiqlashini alohida ta’kidlaydi.
Shuningdek, loyihaning asoschilaridan biri O‘zgur Onur O‘zguven qurilish ishlarining borishi haqida batafsil ma’lumot berdi:
“Hozirgi kunda binoning poydevor ishlari muvaffaqiyatli yakunlandi, ta’kidlab o‘tish lozimki poydevor ishlari sifatli bajarilishi uchun 25 million dollar atrofida mablag‘ sarflangan. C bloki to‘liq ko‘tarildi, hozirda oynalarni o‘rnatish ishlari olib borilmoqda. Markaziy bino, ya’ni A blokida olib borilayotgan qurilish ishlari 38-qavatga yetdi. Yaqin vaqt ichida Hilton Tashkent City mehmonxonasi yonida qurilayotgan B blokining qurilishiga guvoh bo‘lishingiz mumkin. Pandemiya sababli qurilish ishlarini 20 kun davomida to‘xtatishga majbur bo‘ldik, bu vaqt davomida keyingi qadamlarimizni rejalashtirib oldik. Butun dunyoda ko‘plab fabrikalarning ishi to‘xtatilganiga qaramay, biz tegishli tashkilotlardan maxsus ruxsatnoma olib, qurilishni davom ettirdik”.
O‘zgur Onur O‘zguvenning qo‘shimcha qilishicha, pandemiya sababli chet eldan olib kelingan maxsus texnika va qurilish materiallarini bojxonada rasmiylashtirish bilan bog‘liq muammolar yuz bergan. Ushbu ommillar sababli allaqachon yakunlanishi lozim bo‘lgan fasad ishlari belgilangan muddatdan kechroq boshlangan. Lekin hozirgi kunda qurilish ishlari jadal sur’atlarda davom etmoqda. Pandemiya davrida quruvchilar har 10 kunda 1 qavatga ko‘tarilgan bo‘lsa, hozirda ushbu muddat 4-5 kunni tashkil etmoqda.
Nest One kompaniyasining hammuassisi Murod Nazarov pandemiya davrida loyihaga sarmoya kiritgan investorlar va mijozlarga alohida minnatdorchilik bildirdi.
“Biz xalqimizga munosib bo‘lgan o‘ziga hos loyihani qurish uchun astoydil harakat qilmoqdamiz. Investorlar, mijozlar va ayniqsa, muhtaram prezidentimiz Shavkat Mirziyoyevning yuqori ishonchini oqlash uchun qo‘limizdan kelgan va ba’zida imkonsiz bo‘lib ko‘ringan ishlarni ham amalga oshirmoqdamiz. Davlatimiz bizni hech qachon yolg‘iz qoldirmadi, logistika bilan bog‘liq muammolarni hal qilishda qo‘llab-quvvatladi. Bizning fikrimizcha, bu moliyaviy yordamga qaraganda ancha qadrliroq”.
Loyiha asoschilari Nest One bilan bog‘liq barcha savollarga javob berishdi. Jumladan, OAV vakillari qurilish davomida loyihaga o‘zgartirish kiritish sabablari haqida qiziqishdi.
Bunga javoban, dastlabki rejaga ko‘ra Nest One majmuasining balandligi 215 metrdan oshishi belgilanganligi. Lekin qurilish ishlari olib boriladigan maydondagi yer qatlami, tuproq tahlili, shuningdek, boshqa tahlil va sinovlar natijalariga ko‘ra, binoni yanada baland qilib tiklash uchun barcha sharoitlar mavjudligi sababli majmuaning balandligiga yana 51,5 metr qo‘shib, 266,5 metrga yetkazishga qaror qilinganligi aytildi. Shu bilan bir qatorda, qurilish jaroyonining har bir jihatiga alohida e’tibor qaratilayotgani va o‘tkazilgan bir qator sinovlarning natijalariga ko‘ra, bino 9 ballik zilzilaga dosh bera olishi ta’kidlab o‘tildi.
Matbuot anjumanining rasmiy qismi yakunlanganidan so‘ng mehmonlar qurilish maydonchasi bo‘ylab ekskursiyaga taklif qilindi. Ekskursiya davomida ishtirokchilar binoning 32-qavatiga ko‘tarilishdi. U yerdan turib tomosha qilish mumkin bo‘lgan Toshkentning go‘zal manzarasi ishtirokchilarda alohida taassurot qoldirdi. Loyiha asoschilari ekskursiya davomida osmono‘par bino qurilishining balandligi 165 metrdan oshgani, hozirgi kunning o‘zida Nest One majmuasi eng baland turar joy majmuasiga aylanib ulgurganini ta’kidlab o‘tishdi.
Yagona aloqa markazi: +99871 200 22 88
Savdo ofisi: Shayxontohur tumani, Olmazor ko‘chasi 1a/1
Mo‘ljal: Lukoil Uzbekistan ofisi
Sayt: nestone.uz
Facebook: https://www.facebook.com/nestone.uz
Instagram: nestone.uz
YouTube: Nest One
TikTok: Nest One
Reklama huquqi asosida.
Izoh (0)