Жорий йилнинг 7 июнь куни Murad Buildings ва Туркиянинг Özgüven Mimarlik компаниялари асосчилари, мутахассислар ва журналистлар иштирокида матбуот анжумани бўлиб ўтди. Унда Tashkent City лойиҳаси доирасида қурилаётган Nest One мажмуаси бўйича батафсил маълумотлар берилди. Баландлиги 266,5 метрни ташкил этадиган ушбу лойиҳа нафақат Ўзбекистондаги, балки Марказий Осиёдаги энг баланд бино бўлиши кутилмоқда.
Матбуот анжумани давомида сўзга чиққан Мурод Назаров ва Ўзгур Онур Ўзгувеннинг сўзларига кўра Nest One лойиҳаси дунёдаги энг илғор муҳандислик технологияларидан фойдаланган ҳолда қурилмоқда.
Тадбир давомида қурилиш бозори учун янгилик бўлган янги реклама кампаниясининг бошланиши ҳақида эълон қилинди, илгари девелоперлик лойиҳалари томонидан бундай таклифлар берилмаган.
Nest One мажмуаси инвестиция киритиш учун энг даромадли лойиҳалардан бири ҳисобланади. Лойиҳа муаллифлари мажмуанинг ноёб концепциясидан ташқари, харидорлар кафолатланган даромадга эга бўлишлари ҳақида ҳам эълон қилишди. Маълумки, Nest One лойиҳаси бўйича қурилиш ишлари 2019 йил сентябрь ойида бошланган. Лойиҳанинг бошида кўчмас мулк сотиб олган харидорлар бугунги кунга келиб 40 фоиз даромадга эга бўлишган. Янги реклама кампаниясига кўра, Nest One мажмуасидаги исталган кўчмас мулкни 100 фоиз олдиндан тўлов билан сотиб олган харидор нафақат 25 фоиз чегирмага, балки лойиҳанинг охирида ўз мулкини сотишга қарор қилса, кўчмас мулк умумий қийматининг 25 фоиз миқдоридаги кэшбэкка ҳам эга бўлади. Яъни хонадон, офис ёки дўкон сотиб олган инвестор, қурилиш ишлари якунланганидан сўнг кўчмас мулкни 25 фоиз фойда билан қайта сотиш имкониятини қўлга киритади.
Ушбу таклиф жамоанинг ўз лойиҳасига бўлган тўлиқ ишончини, шунингдек, ҳозирги пандемия шароитида мижозларга энг қулай шартларда кафолатланган даромадга эга инвестицияни таклиф этиш истагини яна бир бор тасдиқлашини алоҳида таъкидлайди.
Шунингдек, лойиҳанинг асосчиларидан бири Ўзгур Онур Ўзгувен қурилиш ишларининг бориши ҳақида батафсил маълумот берди:
«Ҳозирги кунда бинонинг пойдевор ишлари муваффақиятли якунланди, таъкидлаб ўтиш лозимки пойдевор ишлари сифатли бажарилиши учун 25 миллион доллар атрофида маблағ сарфланган. C блоки тўлиқ кўтарилди, ҳозирда ойналарни ўрнатиш ишлари олиб борилмоқда. Марказий бино, яъни А блокида олиб борилаётган қурилиш ишлари 38-қаватга етди. Яқин вақт ичида Hilton Tashkent City меҳмонхонаси ёнида қурилаётган Б блокининг қурилишига гувоҳ бўлишингиз мумкин. Пандемия сабабли қурилиш ишларини 20 кун давомида тўхтатишга мажбур бўлдик, бу вақт давомида кейинги қадамларимизни режалаштириб олдик. Бутун дунёда кўплаб фабрикаларнинг иши тўхтатилганига қарамай, биз тегишли ташкилотлардан махсус рухсатнома олиб, қурилишни давом эттирдик».
Ўзгур Онур Ўзгувеннинг қўшимча қилишича, пандемия сабабли чет элдан олиб келинган махсус техника ва қурилиш материалларини божхонада расмийлаштириш билан боғлиқ муаммолар юз берган. Ушбу оммиллар сабабли аллақачон якунланиши лозим бўлган фасад ишлари белгиланган муддатдан кечроқ бошланган. Лекин ҳозирги кунда қурилиш ишлари жадал суръатларда давом этмоқда. Пандемия даврида қурувчилар ҳар 10 кунда 1 қаватга кўтарилган бўлса, ҳозирда ушбу муддат 4-5 кунни ташкил этмоқда.
Nest One компаниясининг ҳаммуассиси Мурод Назаров пандемия даврида лойиҳага сармоя киритган инвесторлар ва мижозларга алоҳида миннатдорчилик билдирди.
«Биз халқимизга муносиб бўлган ўзига ҳос лойиҳани қуриш учун астойдил ҳаракат қилмоқдамиз. Инвесторлар, мижозлар ва айниқса, муҳтарам президентимиз Шавкат Мирзиёевнинг юқори ишончини оқлаш учун қўлимиздан келган ва баъзида имконсиз бўлиб кўринган ишларни ҳам амалга оширмоқдамиз. Давлатимиз бизни ҳеч қачон ёлғиз қолдирмади, логистика билан боғлиқ муаммоларни ҳал қилишда қўллаб-қувватлади. Бизнинг фикримизча, бу молиявий ёрдамга қараганда анча қадрлироқ».
Лойиҳа асосчилари Nest One билан боғлиқ барча саволларга жавоб беришди. Жумладан, ОАВ вакиллари қурилиш давомида лойиҳага ўзгартириш киритиш сабаблари ҳақида қизиқишди.
Бунга жавобан, дастлабки режага кўра Nest One мажмуасининг баландлиги 215 метрдан ошиши белгиланганлиги. Лекин қурилиш ишлари олиб бориладиган майдондаги ер қатлами, тупроқ таҳлили, шунингдек, бошқа таҳлил ва синовлар натижаларига кўра, бинони янада баланд қилиб тиклаш учун барча шароитлар мавжудлиги сабабли мажмуанинг баландлигига яна 51,5 метр қўшиб, 266,5 метрга етказишга қарор қилинганлиги айтилди. Шу билан бир қаторда, қурилиш жароёнининг ҳар бир жиҳатига алоҳида эътибор қаратилаётгани ва ўтказилган бир қатор синовларнинг натижаларига кўра, бино 9 баллик зилзилага дош бера олиши таъкидлаб ўтилди.
Матбуот анжуманининг расмий қисми якунланганидан сўнг меҳмонлар қурилиш майдончаси бўйлаб экскурсияга таклиф қилинди. Экскурсия давомида иштирокчилар бинонинг 32-қаватига кўтарилишди. У ердан туриб томоша қилиш мумкин бўлган Тошкентнинг гўзал манзараси иштирокчиларда алоҳида таассурот қолдирди. Лойиҳа асосчилари экскурсия давомида осмонўпар бино қурилишининг баландлиги 165 метрдан ошгани, ҳозирги куннинг ўзида Nest One мажмуаси энг баланд турар жой мажмуасига айланиб улгурганини таъкидлаб ўтишди.
Ягона алоқа маркази: +99871 200 22 88
Савдо офиси: Шайхонтоҳур тумани, Олмазор кўчаси 1а/1
Мўлжал: Lukoil Uzbekistan офиси
Сайт: nestone.uz
Facebook: https://www.facebook.com/nestone.uz
Instagram: nestone.uz
YouTube: Nest One
TikTok: Nest One
Реклама ҳуқуқи асосида.
Изоҳ (0)