Andijon viloyatining Andijon tumanida “Gaz-5327” yuk mashinasi va ikki yengil mashina ishtirokida YTH yuz berdi, deb xabar bermoqda YHXBB matbuot xizmati.
Voqea 5-iyun kuni soat 19:00 larda “Zavroq” MFY hududidan o‘tgan avtomobil yo‘lida yuz bergan. Mast holda bo‘lgan yuk mashina haydovchisi U.Z. boshqaruvni yo‘qotib, Pemco nomli avtomashinalarni ta’mirlash ustaxonasi oldida to‘xtab turgan Matiz va Spark’ga borib urilgan.
Oqibatda hodisa joyida bo‘lgan fuqarolar N.Q., O.Z., X.E., A.M. va voyaga yetmagan M.I.ga turli darajadagi tan jarohati yetgan.
Holat yuzasidan Andijon tumani IIB huzuridagi tergov bo‘limi tomonidan surishtiruv harakatlari olib borilmoqda.
Bundan avval Samarqandda Lacetti bilan to‘qnashgan “Jiguli” haydovchisi vafot etgani, Buxoroda Nexia va Lacetti to‘qnashishi oqibatda yo‘lovchilardan biri vafot etgani, Qarshida beton to‘siqdan “sakragan” “Jiguli” qarama-qarshi yo‘nalishda harakatlanib kelayotgan Nexia’ga urilgani haqida xabar berilgan edi.
Izoh (0)