Samarqand viloyatining Kattaqo‘rg‘on shahrida Lacetti va “Jiguli” ishtirokidagi YTHda bir kishi vafot etdi. Bu haqda viloyat IIB YHXB matbuot xizmati xabar berdi.
Ma’lum qilinishicha, Kattaqo‘rg‘on shahar Amir Temur shohko‘chasida 2-iyundan 3-iyunga o‘tar kechasi tungi soat 01:30 lar atrofida Lacetti va “Jiguli” avtomobillari to‘qnashdi.
Oqibatda “Jiguli” haydovchisi og‘ir tan jarohatlari olib, shifoxonaga olib ketilayotganda vafot etgan.
Haydovchilarning tunda harakat kamligidan foydalanib, mashinani belgilangan tezlikdan oshirib haydashlari hodisa sabablaridan biri sifatida qayd etilgan.
Avvalroq Qashqadaryoda boshqaruvni yo‘qotgan Cobalt haydovchisi YTHga uchrab vafot etgani, Damas va Lacetti ishtirokida sodir bo‘lgan YTH oqibatida ota-bola halok bo‘lgani, Toshkentda yuz bergan yirik YTH ishtirokchisi bo‘lgan haydovchi voqea joyidan qochib ketgani haqida xabar berilgan edi.Mavzuga doir: Termizda Prezident kortejidagi avtomobil ishtirokida YTH yuz bergani haqidagi xabarlar rad etildi
