Koronavirus pandemiyasi sabab bir yilga muddatga kechiktirilgan futbol bo‘yicha Yevropa chempionati—2020 11-iyundan 11-iyulga qadar mintaqaning o‘nta shahrida bo‘lib o‘tadi. “Daryo” Yevro—2020 oldidan terma jamoalar va guruhlardagi holatga qisqa sharh berib o‘tadi. Mazkur sonda C guruhi vakillariga to‘xtalib o‘tamiz.
C guruhi- Niderlandiya
- Avstriya
- Ukraina
- Makedoniya
Niderlandiya
- Bosh murabbiy: Frank de Bur
- FIFA reytingi: 16-o‘rin
- Yevrodagi eng yaxshi natijasi: Chempion (1988)
- Yulduz futbolchilar: Frenki de Yong, Matteys de Ligt, Memfis Depay.
Bu orada jamoada murabbiy almashdi, Ronald Kuman “Barselona” taklifiga yo‘q deya olmadi. Aslida mutaxassisning maqsadi 2020-yilning yozida musobaqani o‘tkazib, keyin Kataloniyaga yo‘l olish bo‘lgandi, biroq koronavirus pandemiyasi bu rejalarni chippakka chiqardi. Terma jamoani so‘nggi yillarning eng omadsiz mutaxassislaridan biri — Frank de Bur qabul qilib oldi. Hozircha jamoa de Bur qo‘l ostida yomon o‘ynamayapti. Uning baxtiga niderlandlar Yevro—2020 da o‘rtamiyona guruhga tushdi. Ortda qolgan mavsumni jarohat sabab o‘tkazib yuborgan Virjil van Deyk ushbu turnirda ishtirok etmasligini ma’lum qildi. Biroq usiz ham jamoa guruhdan chiqish masalasini ijobiy hal eta olishi katta ehtimol, ammo katta jamoalarga qarshi o‘yinlarda nima bo‘lishi keyin bilib olamiz.
Niderlandiyaning Yevro—2020 uchun qaydnomasi:
Darvozabonlar: Yasper Sillessen (“Valensiya”), Tim Krul (“Norvich”), Marten Stekelenburg (“Ayaks”);
Himoyachilar: Patrik van Anholt (“Kristal Pelas”), Natan Ake (“Manchester Siti”), Deyli Blind, Yurriyen Timber (ikkisi “Ayaks”), Denzel Dumfris (“PSV”), Matteys de Ligt (“Yuventus”), Yoel Veltman (“Brayton”), Stefan de Vrey (“Inter”), Ouen Veyndal (“AZ”);
Yarim himoyachilar: Donni van de Bek (“Manchester Yunayted”), Rayan Gravenberh, Devi Klassen (ikkisi “Ayaks”), Frenki de Yong (“Barselona”), Ten Kopmeyners (“AZ”), Marten de Ron (“Atalanta”), Jorjinyo Veynaldum (“Liverpul”);
Hujumchilar: Steven Bergeys (“Feyenoord”), Memfis Depay (“Lion”), Kodi Gakpo, Doniell Malen (ikkisi “PSV”), Lyuk de Yong (“Sevilya”), Kvinsi Promes (“Spartak”), Vaut Vegorst (“Volfsburg”).
Avstriya
- Bosh murabbiy: Franko Foda
- FIFA reytingi: 23-o‘rin
- Yevrodagi eng yaxshi natijasi: Guruh bosqichi (2008, 2016)
- Yulduz futbolchilar: David Alaba, Marsel Zabitser.
So‘nggi bir necha yil ichida Avstriyaning tarkibi ancha shakllanib qoldi. Avvallari faqat Alaba nomi tanish bo‘lgan bo‘lsa, hozirda uning qatoriga Zabitser, Baumgartlinger, Laymer, Arnautovich kabi nomlar qo‘shildi. Jamoa Yevropa chempionatida o‘z tarixidagi eng yaxshi natijani qayd etish uchun juda qulay imkoniyatga ega. Shu vaqtga qadar guruh bosqichidan u yog‘iga o‘ta olmagan Avstriya o‘zi bilan deyarli bir xil saviyadagi Ukraina va o‘rtamiyona Makedoniyaga qarshi muvaffaqiyatli o‘yin ko‘rsata olsa bo‘lgani.
Avstriya Yevro—2020 uchun quyidagi tarkibni tanlab oldi:
Darvozabonlar: Daniel Bahmann (“Uotford”), Pavao Pervan (“Volfsburg”), Aleksander Shlager (“LASK”);
Himoyachilar: David Alaba (“Bavariya” / “Real”), Aleksandar Dragovich (“Bayer”), Marko Fridl (“Verder”), Martin Hinteregger (“Ayntraxt”), Shtefan Layner (“Borussiya M”), Filipp Linhart (“Frayburg”), Shtefan Posh (“Hoffenhaym”), Kristofer Trimmel (“Union”), Andreas Ulmer (“Zalsburg”);
Yarim himoyachilar: Yulian Baumgartlinger (“Bayer”), Kristof Baumgartner (“Hoffenhaym”), Florian Grillich (“Hoffenhaym”), Shtefan Ilsanker (“Ayntraxt”), Konrad Laymer (“Leypsig”), Valentino Lazaro (“Inter”), Marsel Zabitser (“Leypsig”), Luis Shaub (“Lyutsern”), Ksaver Shlager (“Volfsburg”), Alessandro Shopf (“Shalke”);
Hujumchilar: Marko Arnautovich (“Shanxay Port”), Mixael Gregorich (“Augsburg”), Sasha Kalayjich (“Shtutgart”), Karim Onisivo (“Mayns”).
Ukraina
- Bosh murabbiy: Andrey Shevchenko
- FIFA reytingi: 24-o‘rin
- Yevrodagi eng yaxshi natijasi: Guruh bosqichi (2012, 2016)
- Yulduz futbolchilar: Aleksandr Zinchenko, Ruslan Malinovski, Andrey Yarmolenko.
Jamoa tarkibi asosan “Dinamo Kiyev” va “Shaxtyor” klubi vakillaridan shakllantirilgan. Zinchenko, Malinovski va Yarmolenko kabi yulduzlar esa ularga yo‘lboshchi bo‘ladi. Ukraina guruh bosqichidan muvaffaqiyatli o‘ta olsa, xuddi Avstriya va Makedoniya kabi o‘z tarixida yangi sahifa ochishi mumkin bo‘ladi. Bu vaqtga qadar jamoaning eng yaxshi natijasi guruh boqichi bo‘lgan.
Ukrainaning Yevro—2020 uchun qaydnomasi:
Darvozabonlar: Georgiy Bushchan (“Dinamo Kiyev”), Andrey Pyatov (“Shaxtyor”), Anatoliy Trubin (“Shaxtyor”).
Himoyachilar: Eduard Sobol (“Bryugge”), Sergey Krivsov, Nikolay Matviyenko (“Shaxtyor”), Ilya Zabarniy, Denis Popov, Aleksandr Timchik, Vitaliy Mikolenko, Aleksandr Karavayev (barchasi “Dinamo Kiyev”);
Yarim himoyachilar: Sergey Sidorchuk, Nikolay Shaparenko, Viktor Sigankov (barchasi “Dinamo Kiyev”), Ruslan Malinovskiy (“Atalanta”), Marlos, Taras Stepanenko, Georgiy Sudakov (barchasi “Shaxtyor”), Yevgeniy Makarenko (“Kortreyk”), Aleksandr Zinchenko (“Manchester Siti”), Andrey Yarmolenko (“Vest Hem”), Aleksandr Zubkov (“Ferensvarosh”), Roman Bezus (“Gent”);
Hujumchilar: Roman Yaremchuk (“Gent”), Artyom Besedin (“Dinamo Kiyev”), Artyom Dovbik (“Dnepr-1”).
Makedoniya
- Bosh murabbiy: Igor Angelovskiy
- FIFA reytingi: 62-o‘rin
- Yevrodagi eng yaxshi natijasi: — (debyut)
- Yulduz futbolchilar: Goran Pandev, Enis Bardhi.
Terma jamoa kamtarona tarkibga ega va alohida ko‘rsatib o‘tish mumkin bo‘lgan futbolchilar sanoqli. Ulardan biri sifatida “Jenoa” hujumchisi Goran Pandevni ko‘rsatish mumkin. Katta ehtimol bilan bu 37 yoshli futbolchi uchun so‘nggi katta musobaqa bo‘ladi.
Makedoniyaning Yevro—2020 uchun qaydnomasi:
Darvozabonlar: Stole Dimitriyevski (“Rayo Valyekano”), Damian Shishkovski (“Doksa”), Risto Yankov (“Rabotnichki”);
Himoyachilar: Stefan Ristovski (“Dinamo Zagreb”), Darko Velkovski (“Riyeka”), Visar Musliu (“Fehervar”), Ezgiyan Alioski (“Lids”), Egzon Beytulay (“Shkendiya”), Kire Ristevski (“Uypesht”), Jeko Zaykov (“Sharlerua”);
Yarim himoyachilar: Arian Ademi (“Dinamo Zagreb”), Boban Nikolov (“Lechche”), Enis Bardhi (“Levante”), Elif Elmas (“Napoli”), Stefan Spirovski (“AEK”), Tixomir Kostadinov (“Rujomberok”), Ferhan Hasani (“Partizani”), Daniel Avramovski (“Kayserispor”), Marjan Radeski (“Akademiya Pandeva”);
Hujumchilar: Goran Pandev (“Jenoa”), Aleksandr Traykovski (“Malyorka”), Ivan Trichkovski (“AEK”), Vlatko Stoyanovski (“Shambli”), Darko Churlinov (“Shtutgart”), Milan Ristovski (“Spartak Trnava”), Krste Velkoski (“Sarayevo”).
Yevropa chempionati 11-iyunda Turkiya va Italiya terma jamoalari o‘rtasidagi bahs bilan boshlanadi. Musobaqaning final o‘yini 11-iyulga mo‘ljallangan.
Nodirxon Hamidxonov tayyorladi
Mavzuga doir:
- Uch yildan buyon yutqazmayotgan Italiya, eski mavqeyiga qaytayotgan Turkiya, “ajdarlar” va “bankirlar”. Yevro—2020 A guruhi haqida
- Yulduzlarga to‘la Belgiya, Rossiya yana “qizil iblislar”ga qarshi, debyutant finlar va “alvon gvardiya”. Yevro—2020 B guruhi haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)