Коронавирус пандемияси сабаб бир йилга муддатга кечиктирилган футбол бўйича Европа чемпионати—2020 11 июндан 11 июлга қадар минтақанинг ўнта шаҳрида бўлиб ўтади. «Дарё» Евро—2020 олдидан терма жамоалар ва гуруҳлардаги ҳолатга қисқа шарҳ бериб ўтади. Мазкур сонда C гуруҳи вакилларига тўхталиб ўтамиз.
C гуруҳи- Нидерландия
- Австрия
- Украина
- Македония
Нидерландия
- Бош мураббий: Франк де Бур
- ФИФА рейтинги: 16-ўрин
- Евродаги энг яхши натижаси: Чемпион (1988)
- Юлдуз футболчилар: Френки де Йонг, Маттейс де Лигт, Мемфис Депай.
Бу орада жамоада мураббий алмашди, Рональд Куман «Барселона» таклифига йўқ дея олмади. Аслида мутахассиснинг мақсади 2020 йилнинг ёзида мусобақани ўтказиб, кейин Каталонияга йўл олиш бўлганди, бироқ коронавирус пандемияси бу режаларни чиппакка чиқарди. Терма жамоани сўнгги йилларнинг энг омадсиз мутахассисларидан бири — Франк де Бур қабул қилиб олди. Ҳозирча жамоа де Бур қўл остида ёмон ўйнамаяпти. Унинг бахтига нидерландлар Евро—2020 да ўртамиёна гуруҳга тушди. Ортда қолган мавсумни жароҳат сабаб ўтказиб юборган Виржил ван Дейк ушбу турнирда иштирок этмаслигини маълум қилди. Бироқ усиз ҳам жамоа гуруҳдан чиқиш масаласини ижобий ҳал эта олиши катта эҳтимол, аммо катта жамоаларга қарши ўйинларда нима бўлиши кейин билиб оламиз.
Нидерландиянинг Евро—2020 учун қайдномаси:
Дарвозабонлар: Яспер Силлессен («Валенсия»), Тим Крул («Норвич»), Мартен Стекеленбург («Аякс»);
Ҳимоячилар: Патрик ван Анҳолт («Кристал Пэлас»), Натан Аке («Манчестер Сити»), Дейли Блинд, Юрриен Тимбер (иккиси «Аякс»), Дензел Думфрис («ПСВ»), Маттейс де Лигт («Ювентус»), Йоэл Велтман («Брайтон»), Стефан де Врей («Интер»), Оуэн Вейндал («АЗ»);
Ярим ҳимоячилар: Донни ван де Бек («Манчестер Юнайтед»), Райан Гравенберҳ, Деви Классен (иккиси «Аякс»), Френки де Йонг («Барселона»), Тен Копмейнерс («АЗ»), Мартен де Рон («Аталанта»), Жоржиньо Вейналдум («Ливерпуль»);
Ҳужумчилар: Стевен Бергейс («Фейеноорд»), Мемфис Депай («Лион»), Коди Гакпо, Дониэлл Мален (иккиси «ПСВ»), Люк де Йонг («Севилья»), Квинси Промес («Спартак»), Ваут Вегорст («Вольфсбург»).
Австрия
- Бош мураббий: Франко Фода
- ФИФА рейтинги: 23-ўрин
- Евродаги энг яхши натижаси: Гуруҳ босқичи (2008, 2016)
- Юлдуз футболчилар: Давид Алаба, Марсель Забитцер.
Сўнгги бир неча йил ичида Австриянинг таркиби анча шаклланиб қолди. Авваллари фақат Алаба номи таниш бўлган бўлса, ҳозирда унинг қаторига Забитцер, Баумгартлингер, Лаймер, Арнаутович каби номлар қўшилди. Жамоа Европа чемпионатида ўз тарихидаги энг яхши натижани қайд этиш учун жуда қулай имкониятга эга. Шу вақтга қадар гуруҳ босқичидан у ёғига ўта олмаган Австрия ўзи билан деярли бир хил савиядаги Украина ва ўртамиёна Македонияга қарши муваффақиятли ўйин кўрсата олса бўлгани.
Австрия Евро—2020 учун қуйидаги таркибни танлаб олди:
Дарвозабонлар: Даниэль Баҳманн («Уотфорд»), Павао Перван («Вольфсбург»), Александер Шлагер («ЛАСК»);
Ҳимоячилар: Давид Алаба («Бавария» / «Реал»), Александар Драгович («Байер»), Марко Фридль («Вердер»), Мартин Ҳинтереггер («Айнтрахт»), Штефан Лайнер («Боруссия М»), Филипп Линҳарт («Фрайбург»), Штефан Пош («Ҳоффенҳайм»), Кристофер Триммел («Унион»), Андреас Ульмер («Зальцбург»);
Ярим ҳимоячилар: Юлиан Баумгартлингер («Байер»), Кристоф Баумгартнер («Ҳоффенҳайм»), Флориан Гриллич («Ҳоффенҳайм»), Штефан Илсанкер («Айнтрахт»), Конрад Лаймер («Лейпциг»), Валентино Лазаро («Интер»), Марсель Забитцер («Лейпциг»), Луис Шауб («Люцерн»), Ксавер Шлагер («Вольфсбург»), Алессандро Шопф («Шалке»);
Ҳужумчилар: Марко Арнаутович («Шанхай Порт»), Михаэль Грегорич («Аугсбург»), Саша Калайжич («Штутгарт»), Карим Онисиво («Майнц»).
Украина
- Бош мураббий: Андрей Шевченко
- ФИФА рейтинги: 24-ўрин
- Евродаги энг яхши натижаси: Гуруҳ босқичи (2012, 2016)
- Юлдуз футболчилар: Александр Зинченко, Руслан Малиновски, Андрей Ярмоленко.
Жамоа таркиби асосан «Динамо Киев» ва «Шахтёр» клуби вакилларидан шакллантирилган. Зинченко, Малиновски ва Ярмоленко каби юлдузлар эса уларга йўлбошчи бўлади. Украина гуруҳ босқичидан муваффақиятли ўта олса, худди Австрия ва Македония каби ўз тарихида янги саҳифа очиши мумкин бўлади. Бу вақтга қадар жамоанинг энг яхши натижаси гуруҳ боқичи бўлган.
Украинанинг Евро—2020 учун қайдномаси:
Дарвозабонлар: Георгий Бушчан («Динамо Киев»), Андрей Пятов («Шахтёр»), Анатолий Трубин («Шахтёр»).
Ҳимоячилар: Эдуард Собол («Брюгге»), Сергей Кривсов, Николай Матвиенко («Шахтёр»), Иля Забарний, Денис Попов, Александр Тимчик, Виталий Миколенко, Александр Караваев (барчаси «Динамо Киев»);
Ярим ҳимоячилар: Сергей Сидорчук, Николай Шапаренко, Виктор Циганков (барчаси «Динамо Киев»), Руслан Малиновский («Аталанта»), Марлос, Тарас Степаненко, Георгий Судаков (барчаси «Шахтёр»), Евгений Макаренко («Кортрейк»), Александр Зинченко («Манчестер Сити»), Андрей Ярмоленко («Вест Ҳэм»), Александр Зубков («Ференцварош»), Роман Безус («Гент»);
Ҳужумчилар: Роман Яремчук («Гент»), Артём Беседин («Динамо Киев»), Артём Довбик («Днепр-1»).
Македония
- Бош мураббий: Игорь Ангеловский
- ФИФА рейтинги: 62-ўрин
- Евродаги энг яхши натижаси: — (дебют)
- Юлдуз футболчилар: Горан Пандев, Энис Бардҳи.
Терма жамоа камтарона таркибга эга ва алоҳида кўрсатиб ўтиш мумкин бўлган футболчилар саноқли. Улардан бири сифатида «Женоа» ҳужумчиси Горан Пандевни кўрсатиш мумкин. Катта эҳтимол билан бу 37 ёшли футболчи учун сўнгги катта мусобақа бўлади.
Македониянинг Евро—2020 учун қайдномаси:
Дарвозабонлар: Столе Димитриевски («Райо Вальекано»), Дамиан Шишковски («Докса»), Ристо Янков («Работнички»);
Ҳимоячилар: Стефан Ристовски («Динамо Загреб»), Дарко Велковски («Риека»), Висап Муслиу («Феҳервар»), Эзгиян Алиоски («Лидс»), Эгзон Бейтулай («Шкендия»), Кире Ристевски («Уйпешт»), Жеко Зайков («Шарлеруа»);
Ярим ҳимоячилар: Ариан Адеми («Динамо Загреб»), Бобан Николов («Лечче»), Энис Бардҳи («Леванте»), Элиф Элмас («Наполи»), Стефан Спировски («АЭК»), Тихомир Костадинов («Ружомберок»), Ферҳан Ҳасани («Партизани»), Даниэль Аврамовски («Кайсериспор»), Маржан Радески («Академия Пандева»);
Ҳужумчилар: Горан Пандев («Женоа»), Александр Трайковски («Мальорка»), Иван Тричковски («АЭК»), Влатко Стояновски («Шамбли»), Дарко Чурлинов («Штутгарт»), Милан Ристовски («Спартак Трнава»), Крсте Велкоски («Сараево»).
Европа чемпионати 11 июнда Туркия ва Италия терма жамоалари ўртасидаги баҳс билан бошланади. Мусобақанинг финал ўйини 11 июлга мўлжалланган.
Нодирхон Ҳамидхонов тайёрлади
Мавзуга доир:
- Уч йилдан буён ютқазмаётган Италия, эски мавқейига қайтаётган Туркия, «аждарлар» ва «банкирлар». Евро—2020 А гуруҳи ҳақида
- Юлдузларга тўла Бельгия, Россия яна «қизил иблислар»га қарши, дебютант финлар ва «алвон гвардия». Евро—2020 B гуруҳи ҳақида
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)