Ҳукуматнинг тегишли қарорига кўра, Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директорининг ўринбосари Санжар Обидов агентлик директори вазифасини вақтинча бажарувчи этиб тайинланди.
Хорижий тилларни ўрганишни оммалаштириш агентлиги Ўзбекистон Президентининг 19 май куни қабул қилган хорижий тилларни ўрганишни оммалаштириш тизимини такомиллаштириш бўйича қарори билан ташкил этилган. Шу куни ҳукумат томонидан қабул қилинган қарор билан Санжар Обидов агентлик директор ўринбосари этиб тайинланганди.
Эслатиб ўтамиз, Ўзбекистонда Хорижий тилларни ўрганишни оммалаштириш агентлиги ташкил этилиши ҳақида 6 май куни Шавкат Мирзиёев раислигида ўтказилган йиғилишда маълум қилинганди. «Агентлик, энг аввало, дунёда самарали натижа берган ўқитиш методикалари, дастур ва дарсликларини боғча, мактаб, лицей, олийгоҳ ва ўқув марказларида жорий этиб, хорижий тилларни мукаммал ўзлаштиришга кўмаклашади», — деган эди Президент.
Изоҳ (0)