20 daqiqada tovada tayyorlanadigan mazali steyk retsepti

Tezpishar va mazali yegulik bir zumda dasturxoningizda hozir bo‘ladi.

Kerakli mahsulotlar:

• steyk uchun mo‘ljallangan mol go‘shti – 2 dona;
• sarimsoq – 2 bo‘lak;
• sariyog‘ – 2 osh qoshiq;
• o‘simlik yog‘i  – 1/2 osh qoshiq;
• timyan, tuz va ziravorlar.

1. Go‘sht yaxshilab yuvilib, qog‘oz salfetkalar yordamida quritiladi va tuz, ziravorlar sepiladi.
2. Tova o‘rtacha olovda qizdirilib, o‘simlik yog‘i quyiladi.
3. Go‘shtning har ikki tomoni 3-4 daqiqadan qizargunga qadar qovuriladi. Yon tomoni esa 1 daqiqa davomida pishiriladi.
4. So‘ngra tovaga to‘g‘ralgan sarimsoq, zira va sariyog‘ qo‘shiladi.
5. Sariyog‘ erigach, u go‘sht ustiga quyiladi va yana bir necha daqiqa pishiriladi.
6. Tayyor bo‘lgan steyklar alohida idishga olinadi va 10 daqiqaga folga qog‘oziga o‘raladi.
7. Taomni ta’bga ko‘ra bezatib, dasturxonga tortish mumkin.