Qaynatilgan tuxumdan Marokash taomi, nisuaz va krabli salat tayyorlaymiz

Ma’lumki, qaynatilgan tuxumning o‘zi ham vitaminlarga boy hamda sevib iste’mol qilinadi. Shuningdek, ular yordamida bir-biridan mazali salat va taomlar ham tayyorlash mumkin.

Marokash taomi retsepti

Ushbu sharqona lazzatli taom, albatta, har bir bekajon uchun yangilik bo‘lishi tabiiy. Aynan iftorlik dasturxonlari uchun ham ayni muddao.

Kerakli mahsulotlar:

• tuxum – 12 dona;
• mayonez – 1/2 stakan;
• xarissa pastasi – 2 osh qoshiq;
• zaytun yog‘i – 1 osh qoshiq;
• qalampir kukuni – 1/2 choy qoshiq;
• ko‘kat, tuz va ziravorlar.

1. Qaynatib olingan tuxumlar ikki bo‘linadi va ichidan sarig‘i olinadi.
2. Mayonez, xarissa, zaytun moyi, qalampir kukuni va ta’bga ko‘ra tuz sepib, aralashtiriladi.
3. Tuxum bo‘shliqlari nachinka bilan to‘ldiriladi.
4. Yuzasi mayda to‘g‘ralgan ko‘katlar bilan bezatiladi.

Yasmiq qo‘shib tayyorlanadigan mazkur salat oqsilga boy bo‘lib, bahor faslida organizmga kerakli bo‘lgan vitaminlarni o‘zida jamlagan.

Kerakli mahsulotlar:

• yashil loviya – 200 gramm;
• qaynatilgan yasmiq – 2 stakan;
• tuxum – 4-5 dona;
• zaytun – 100 gramm;
• rediska – 150 gramm;
• piyoz – 1/2 dona;
• xantal – 1 osh qoshiq;
• zaytun moyi – 5 osh qoshiq;
• tuz va ko‘katlar.

1. Qaynatilgan tuxum katta bo‘laklarga bo‘linadi.
2. Yashil loviya tuzli suvda yaxshilab yuviladi.
3. Yasmiq, tuxum, loviya, parrak qilib to‘g‘ralgan rediska va boshqa barcha mahsulotlar idishga solinadi va zaytun moyi quyilib, yaxshilab aralashtiriladi.
4. Ustiga ko‘katlar bilan bezak beriladi.

Ixtiyoriy ravishda salat uchun kerakli masalliqlar tarkibini o‘zgartirish mumkin. Masalan, rediska o‘rniga bulg‘ori qalampiri, guruch o‘rniga kartoshka qo‘shing.

Kerakli mahsulotlar:

• guruch – 200 gramm;
• krab tayoqchalari – 200 gramm;
• rediska – 2 dona;
• mayonez – 50 gramm;
• bodring – 1 dona;
• tuxum – 2 dona;
• limon sharbati, ko‘kat, tuz va ziravorlar.

1. Guruch va tuxum qaynatib olinadi.
2. Sabzavotlar va tuxum yirik to‘rtburchak shaklida to‘g‘raladi.
3. Barcha masalliqlar aralashtirilib, tuz, limon sharbati va mayonez solinadi.