Qashqadaryo viloyatining Shahrisabz tumanida to‘rt yoshli o‘g‘lini 25 million so‘m mablag‘ evaziga o‘zgaga sotishga uringan ona va uning jinoiy sherigi qo‘lga olindi. Bu haqda viloyat IIB axborot xizmati xabar berdi.
Ta’kidlanishicha, viloyatning Chiroqchi tumanida ro‘yxatda turib, Shahrisabz shahrida vaqtincha yashovchi 35 yoshli Asila Achilova (barcha ism-familiyalar o‘zgartirilgan) sherigi — Kitob tumanida doimiy ro‘yxatda turib, vaqtincha Shahrisabz shahrida yashovchi 43 yoshli Amira Adilova bilan til biriktirib, to‘rt yoshli o‘g‘lini sotishga qaror qilgan.Holatdan xabar topgan Departamentning Qashqadaryo viloyat boshqarmasi, viloyat IIB, Shahrisabz tumani IIB va DXX xodimlari tomonidan o‘tkazilgan tezkor tadbirda Asila Achilova va uning sherigi Amira Adilova Shahrisabz tumani “Loliston” MFYda joylashgan umumiy ovqatlanish shoxobchasida bola uchun xaridordan 25 million so‘m olayotgan paytida qo‘lga olgan.
Mazkur holat bo‘yicha jinoiy ish ochilgan-ochilmaganligiga aniqlik kiritilmagan.
Mavzuga doir:
- Buxoroda yangi tug‘ilgan chaqaloqni 8 mln so‘mga sotmoqchi bo‘lgan ona va bola ushlandi
- Navoiyda 3 oylik bolasini ikki xonali kvartiraga almashmoqchi bo‘lgan ayol “mahalladan berilgan ijobiy tavsifnoma” sabab ozodlikdan mahrum etilmadi
- Farg‘onada ikki yashar bolasini 1,5 ming dollarga sotmoqchi bo‘lgan ayol ushlandi
Izoh (0)