“Barselona” va “Real” klublari “Manchester Siti” himoyachisi Emerik Lyaport uchun kurash olib bormoqda, deb xabar bermoqda Football Espana.
Lyaport 2018-yil yanvar oyida Ispaniyaning “Atletik” jamoasidan “Manchester Siti” safiga o‘tgandi. Futbolchining amaldagi shartnomasi 2025-yil 30-iyunda o‘z nihoyasiga yetadi.
Avvalroq, futbolchining Ispaniya fuqaroligini olgani haqidagi xabarlar tarqalgandi. U Ispaniya terma jamoasi bilan Yevro—2020 da ishtirok etadi. Futbolchi 4-iyun kuni Portigaliyaga qarshi o‘rtoqlik o‘yinida ispanlar safida debyut qildi. Lyaport Fransiyada tug‘ilgan bo‘lsa-da, ajdodlari Ispaniyadan. U yoshlar darajasida Fransiya terma jamoalarida to‘p surgan, biroq asosiy terma jamoada debyut qilmagandi.
Himoyachi ortda qolgan mavsum Angliya chempionatida 16 ta o‘yinda maydonga tushdi va birorta samarali harakatni amalga oshirmadi. Chempionlar Ligasidagi ishtirok etgan 4 ta o‘yini haqida ham shunday deyishimiz mumkin.
Izoh (0)