Koronavirus pandemiyasi sabab bir yilga muddatga kechiktirilgan futbol bo‘yicha Yevropa chempionati—2020 iyun-iyul oylarida mintaqaning o‘nta shahrida bo‘lib o‘tadi. “Daryo” Yevro—2020 oldidan terma jamoalar va guruhlardagi holatga qisqa sharh berib o‘tadi. Mazkur sonda B guruhi vakillariga to‘xtalib o‘tamiz.
B guruhi- Belgiya
- Daniya
- Rossiya
- Finlyandiya
Belgiya
- Bosh murabbiy: Roberto Martines
- FIFA reytingi: 1-o‘rin
- Yevrodagi eng yaxshi natijasi: Kumush (1980-yil)
- Yulduz futbolchilar: Kevin de Bryuyne, Eden Azar, Romelu Lukaku...
Belgiya Yevro—2020 musobaqasiga barqaror holatda yetib kelgan kam sonli terma jamoalardan biri hisoblanadi. Tarkibning har bir chizig‘ida ijrochilar yetarli. Yagona muammo sifatida himoya chizig‘idagi yoshi o‘tib borayotgan futbolchilarni aytish mumkin. Biroq yarim himoya va hujumdagi super o‘yinchilar orqali bu kamchilikni yopish mumkin bo‘ladi. Bundan tashqari jamoa darvozasini mavsumni ko‘tarinki ruhda o‘tkazgan Tibo Kurtua qo‘riqlaydi.
Bu belgiyaliklarning ko‘plab futbolchilari uchun so‘nggi Yevropa chempionati bo‘ladi. Qayd etish kerak, Belgiya o‘rtacha yosh bo‘yicha Yevro—2020 ning qari jamoasi bo‘ldi. Belgiyaliklar tarkibida 30 yoshdan oshgan o‘n nafar futbolchi bor (Minyole, Alderveyreld, Vermalen, Vertongen, Boyata, Vitsel, Shadli, Azar, Mertens, Benteke), 23 yoshgacha bo‘lgan o‘yinchilar soni esa atigi bir nafar (Jeremi Doku). Bundan xulosa qilib aytganda jamoa uzoq kutilgan katta titulni qo‘lga kiritishi uchun hozir qulay fursat.
Belgiyaning Yevro—2020 uchun qaydnomasi bilan tanishing:
Darvozabonlar: Tibo Kurtua (“Real”), Simon Minyole (“Bryugge”), Mats Zels (“Strasburg”);
Himoyachilar: Tobi Alderveyreld (“Tottenhem”), Dedrik Boyata (“Herta”), Jeyson Denayer (“Lion”), Tomas Vermalen (“Vissel Kobe”), Yan Vertongen (“Benfika”), Toma Menye (“Borussiya D”), Timoti Kastan (“Lester”);
Yarim himoyachilar: Yannik Ferreyra Karrasko (“Atletiko”), Nosir Shadli (“Istanbul”), Aksel Vitsel, Torgan Azar (ikkisi “Borussiya D”), Kevin de Bryuyne (“Manchester Siti”), Leander Dendonker (“Vulverhempton”), Dennis Prat, Yuri Tilemans (ikkisi “Lester”), Hans Vanaken (“Bryugge”), Eden Azar (“Real”);
Hujumchilar: Mishi Batshuayi (“Kristal Pelas” / “Chelsi”), Kristian Benteke (“Kristal Pelas”), Romelu Lukaku (“Inter”), Jeremi Doku (“Renn”), Dris Mertens (“Napoli”), Leandro Trossard (“Brayton”).
Daniya
- Bosh murabbiy: Kasper Hyulmand
- FIFA reytingi: 10-o‘rin
- Yevrodagi eng yaxshi natijasi: Oltin (1992-yil)
- Yulduz futbolchilar: Kristian Eriksen, Andreas Kristensen, Yussuf Poulsen
Daniyaning Yevro—2020 uchun qaydnomasi:
Darvozabonlar: Kasper Shmeyxel (“Lester”), Frederik Rennov (“Shalke”), Yonas Lessl (“Everton”);
Himoyachilar: Matias Yorgensen, Nikolay Boylesen (ikkisi “Kopengagen”), Simon Kyer (“Milan”), Andreas Kristensen (“Chelsi”), Yannik Vestergor (“Sauthempton”), Yoakim Andersen (“Fulhem”), Daniel Vass (“Valensiya”), Yens Larsen (“Udineze”), Yoakim Mele (“Atalanta”);
Yarim himoyachilar: Kristian Eriksen (“Inter”), Tomas Dileyni (“Borussiya D), Pyer-Emil Hyoybyerg (“Tottenhem”), Matias Yensen, Kristian Nergor (ikkisi “Brentford”), Anders Kristiansen (“Malmyo”);
Hujumchilar: Kasper Dolberg (“Nitssa”), Yonas Vind (“Kopengagen”), Andreas Kornelius (“Parma”), Martin Breytueyt (“Barselona”), Robert Skov (“Hoffenhaym”), Mikkel Damsgor (“Sampdoriya”), Yussuf Poulsen (“Leypsig”), Andreas Skov Olsen (“Bolonya”).
Rossiya
- Bosh murabbiy: Stanislav Cherchesov
- FIFA reytingi: 38-o‘rin
- Yevrodagi eng yaxshi natijasi: Yarim final (2008-yil)
- Yulduz futbolchilar: Aleksandr Golovin, Artyom Dzyuba, Aleksey Miranchuk
Yevro saralashini muvaffaqiyatli o‘tkazgan ruslar pandemiyadan keyingi restartdan so‘ng u qadar ishonchli ko‘rinmadi. Jamoa Millatlar Ligasi va o‘rtoqlik o‘yinlarida qator ishonchsiz natijalarni qayd etdi. Bu esa futbol jamoatchiligida Cherchesovga nisbatan tanqidlar ko‘payishiga sabab bo‘ldi. Yevro—2020 dagi yaxshi ishtirok orqali Rossiya terma jamoasi o‘z mavqeyini tiklab olishi mumkin, biroq buning uchun oson bo‘lmagan guruhdan chiqish kerak.
Rossiya murabbiylar shtabi quyidagi tarkibni Yevro uchun saralab oldi:
Darvozabonlar: Yuriy Dyupin (“Rubin”), Matvey Safonov (“Krasnodar”), Anton Shunin (“Dinamo”);
Himoyachilar: Georgiy Jikiya (“Spartak”), Igor Diveyev, Mario Fernandes (ikkisi “SSKA”), Yuriy Jirkov, Vyacheslav Karavayev (ikkisi “Zenit”), Fyodor Kudryashov (“Antalyaspor”), Andrey Semyonov (“Axmat”);
Yarim himoyachilar: Dmitriy Barinov, Rifat Jemaletdinov (ikkisi “Lokomotiv M”), Maksim Muxin (“SSKA”), Aleksandr Golovin (“Monako”), Daniil Fomin (“Dinamo M”), Roman Zobnin (“Spartak”), Aleksey Ionov (“Krasnodar”), Daler Kuzyayev, Andrey Mostovoy, Magomed Ozdoyev (barchasi “Zenit”), Denis Makarov (“Rubin”), Aleksey Miranchuk (“Atalanta”), Denis Cherishev (“Valensiya”);
Hujumchilar: Artyom Dzyuba (“Zenit”), Anton Zabolotniy (“Sochi”), Aleksandr Sobolyev (“Spartak”).
Finlyandiya
- Bosh murabbiy: Markku Kanerva
- FIFA reytingi: 55-o‘rin
- Yevrodagi eng yaxshi natijasi: — (debyut)
- Yulduz futbolchilar: Teyemu Pukki, Lukash Gradetski
Finlarning tarkibiga keladigan bo‘lsak, ayni vaqtda “Norvich”da harakat qilayotgan tajribali Teyemu Pukki va “Bayer” posboni Lukash Gradetskidan o‘zga mashhur nom yo‘q. Biroq bu musobaqadan keyin terma jamoaning ko‘plab o‘yinchilari Yevropa top-5 ligalariga yo‘l olsa ajab emas. Ayni vaqtda shu jihat ular uchun asosiy motivatsiyalardan biri bo‘lib turibdi.
Finlyandiyaning Yevro—2020 uchun qaydnomasi:
Darvozabonlar: Lukash Gradetski (“Bayer”, Germaniya), Yesse Yoronen (“Breshiya”, Italiya), Ansi Yaakkola (“Bristol Rovers”, Angliya);
Himoyachilar: Leo Vyaysyanen (“Elfsborg”, Shvetsiya), Sauli Vyaysyanen (“Kyevo”, Italiya), Paulyus Arayuuri (“Pafos”, Kipr), Daniel O‘Shonnessi (“XIK”, Xelsinki), Robert Ivanov (“Varta”, Polsha), Yere Uronen (“Genk”, Belgiya), Yoona Toyvio (“Heken”, Shvetsiya), Yukka Raytala (“Minnesota Yunayted”, AQSh), Tomas Lam (“Zvolle”, Niderlandiya).
Yarim himoyachilar: Nikolay Alxo (“MTK”, Vengriya), Pyuryu Soyri (“Esbyerg”, Daniya), Glen Kamara (“Reynjers”, Shotlandiya), Yoni Kauko (“Esbyerg”, Daniya), Onni Valakari (“Pafos”, Kipr), Rasmus Shyuller (“Yurgorden”, Shvetsiya), Tim Sparv (“Larisa”, Gretsiya), Fredrik Yensen (“Augsburg”, Germaniya), Robert Teylor (“Brann”, Norvegiya), Robin Lud (“Minnesota Yunayted”, AQSh);
Hujumchilar: Yoel Pohyanpalo (“Union”, Germaniya), Markus Forss (“Brentford”, Angliya), Teyemu Pukki (“Norvich”, Angliya), Lassi Lappalaynen (“Monreal”, Kanada).
Yevropa chempionati 11-iyunda Turkiya va Italiya terma jamoalari o‘rtasidagi bahs bilan boshlanadi. Musobaqaning final o‘yini 11-iyulga mo‘ljallangan.
Nodirxon Hamidxonov tayyorladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)