«Барселона» ва «Реал» клублари «Манчестер Сити» ҳимоячиси Эмерик Ляпорт учун кураш олиб бормоқда, деб хабар бермоқда Football Espana.
Ляпорт 2018 йил январь ойида Испаниянинг «Атлетик» жамоасидан «Манчестер Сити» сафига ўтганди. Футболчининг амалдаги шартномаси 2025 йил 30 июнда ўз ниҳоясига етади.
Аввалроқ, футболчининг Испания фуқаролигини олгани ҳақидаги хабарлар тарқалганди. У Испания терма жамоаси билан Евро—2020 да иштирок этади. Футболчи 4 июнь куни Портигалияга қарши ўртоқлик ўйинида испанлар сафида дебют қилди. Ляпорт Францияда туғилган бўлса-да, аждодлари Испаниядан. У ёшлар даражасида Франция терма жамоаларида тўп сурган, бироқ асосий терма жамоада дебют қилмаганди.
Ҳимоячи ортда қолган мавсум Англия чемпионатида 16 та ўйинда майдонга тушди ва бирорта самарали ҳаракатни амалга оширмади. Чемпионлар Лигасидаги иштирок этган 4 та ўйини ҳақида ҳам шундай дейишимиз мумкин.
Изоҳ (0)