Triatlon bo‘yicha O‘zbekiston chempionati o‘tkazilishi munosabati bilan yo‘llarning bir qismi transport harakati uchun 5—6-iyun kunlari soat 06:00 dan 13:00 ga qadar yopiladi. Bu haqda Toshkent shahar hokimligi matbuot xizmati xabar qildi.
Xabarga ko‘ra, quyidagi yo‘llarda cheklov o‘rnatiladi:
- KXAY — Chingiz Aytmatov ko‘chasidan Ko‘rgazma ko‘chasigacha;
- Ko‘rgazma ko‘chasi — KXAY ko‘chasidan Ko‘rhojiota ko‘chasigacha;
- Ko‘rhojiota ko‘chasi — Ko‘rgazma ko‘chasidan Iftixor ko‘chasigacha.
Bundan avval havo harorati ko‘tarilgani sabab Toshkent yerusti metrosida poyezdlar harakat tezligi cheklangani, Toshkentdagi qator ko‘chalarda transport harakati 30 kunga cheklangani hamda Toshkent viloyatidagi Keles ko‘prigi “ta’mirlash ishlari yakunlanguniga qadar” yopilgani haqida xabar berilgandi.
Izoh (0)