Ijtimoiy tarmoqlarda Samarqand shahrida ko‘chada ketayotgan ayolning yo‘l bo‘yidagi gultuvakni tepib, ag‘dargani keng tanqidlarga sabab bo‘ldi. Holat yuzasidan Samarqand viloyati IIB axborot xizmati ma’lumot berdi.
Xabarga ko‘ra, ushbu holat Samarqand shahrida yashovchi 42 yoshli G.M. tomonidan sodir etilgan.
Surishtiruvda uning viloyat Ruhiy kasalliklar bo‘yicha dispanserda ro‘yxatda turishi, oldin ham kasalligi tufayli bir necha marotaba davolanib chiqqanligi aniqlandi.
“Ayni damda fuqaroni davolanish uchun Ruhiy kasalliklar bo‘yicha dispanserga yuborish choralari ko‘rilmoqda”, — deyiladi xabarda.
Bundan avval Toshkentda imkoniyati cheklangan qizni kaltaklagan ayol qilmishidan pushaymonligini aytib, uzr so‘ragani, Gulistonda “To‘xtash mumkin emas” yo‘l belgisini qora rangga bo‘yagan yigit 15 sutkaga qamalgani hamda Gulistondagi chorrahada raqsga tushgan tiktokchi yigitlar jarimaga tortilib, 4 sutkaga qamalgani haqida xabar berilgandi.
Izoh (0)