Bugun,

  • USD 11014.01
  • RUB 191.8
  • EUR 10674.78

Sirdaryo viloyati Guliston shahrida “To‘xtash mumkin emas” yo‘l belgisini qora bo‘yoq bilan bo‘yab qo‘ygan 23 yoshli yigitga chora ko‘rildi. Bu haqda IIV matbuot xizmati xabar berdi.

Kadr: Telegram

Kadr: Telegram

Ma’lum bo‘lishicha, ushbu fuqaro “40” tezlik chegarasi belgilangan yo‘l belgisining ustiga “To‘xtash mumkin emas” yorlig‘ini yopishtirib, uni bo‘yaganini tasvirga olgan va videoni ijtimoiy tarmoqlardagi sahifasiga joylashtirgan.

“Instagram’da video tarqalib ketdi. Qilgan ishlarimdan pushaymonman”, — deydi yigit.

Sirdaryo viloyati IIB sa’y-harakatlari bilan huquqbuzar shaxsiga aniqlik kiritilgan va ish Jinoyat ishlari bo‘yicha Guliston shahar sudida ko‘rib chiqilgan.

Yigit Ma’muriy javobgarlik to‘g‘risidagi 183-moddani (mayda bezorilik) bo‘yicha aybdor deb topilib, unga nisbatan 15 sutka ma’muriy qamoq jazosi tayinlangan.

Avvalroq Gulistondagi chorrahada raqsga tushgan tiktokchi yigitlar jarimaga tortilib, 4 sutkaga qamalgani, Farg‘onadagi maktabning sinfxonasida pirotexnika portlatgan o‘quvchi IIB ro‘yxatiga olingani hamda Andijonda tunda xiyobon o‘rindiqlarini ag‘darib, to‘siqlar, chiqindi urnalari va chiroqlarni tepib, TikTok uchun video olgan bezorilarga chora ko‘rilgani haqida xabar berilgandi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi