Toshkent shahrining Olmazor va Yunusobod tumanlaridagi ayrim hududlar 5-iyun kuni 11 soatga elektr energiyasi ta’minotidan uziladi. Bu haqda “Toshkent shahar elektr tarmoqlari korxonasi” matbuot xizmati xabar berdi.
Qayd etilishicha, shu kuni ikki tuman hududdagi TS-4, PS 110/10/6 kVli “Beshqo‘rg‘on” va PS 110/6 kV DOK, PS 110/6 kVAli “Zenit” podstansiyalarining L-DOK-1 va L-DOK-2 kuchlanishi 110 kVA bo‘lgan yuqori kuchlanishli havo elektr uzatish tarmog‘idagi temir-beton ustunlar joyini o‘zgartirish (demontaj) hamda ta’mirlash ishlari olib boriladi.
Ushbu ta’mirlash ishlarini xavfsiz bajarish maqsadida soat 07:00 dan 18:00 qadar:
Olmazor tumanidagi 21-sonli oilaviy poliklinika, ATS-248, ruhiy kasalliklar kasalxonasi, Teri-dermatovenerologiya dispanseri, maktab, tadbirkorlik subyektlari, xususiy sex, “Ibrohim ota”, “Taraqqiyot”, “Mirpo‘latova”, “Qorasaroy”, “O.Hotamova” hamda “Hasanboy” MFYlarida joylashgan aholi xonadonlari hamda tadbirkorlik subyektlarida elektr energiyasi o‘chiriladi.
Yunusobod tumanidagi 6-, 7-, 8-, 9- va 10-dahalari, Sh.Kazakbayeva ko‘chasida yashovchi aholi xonadonlari hamda tadbirkorlik subyektlari, “Sobirobod”, “Uch qahramon”, “Chinor”, “Shodlik”, “G‘ayratiy”, “Turkiston”, “Astrobod”, “Sh.Kazakbayeva”, “Beruniy” MFYlari hamda “Hasanboy” mavzesida, shuningdek, “Korzinka” savdo kompleksida ham shu xuddi shu vaqt davomida elektr energiyasi o‘chiriladi.
Avvalroq 2021—2022-yillar kuz-qish mavsumiga tayyorgarlik ko‘rish sababli Toshkentdagi yuqori kuchlanishli elektr tarmoqlarida ta’mirlash ishlari olib borilishi sababli 5-iyun kuni soat 07:00 dan 21:00 ga qadar Yunusobod, Olmazor, Shayxontohur va Mirzo Ulug‘bek tumanlaridagi qator manzillarda issiq suv ta’minoti vaqtincha o‘chirilishi haqida xabar berilgan edi.
Izoh (0)