Kanadaning elektromobillar ishlab chiqarish bilan shug‘ullanuvchi Daymak kompaniyasi 2023-yilda taqdim etiladigan o‘zining Spiritus nomli modeli ustida ish olib bormoqda. Dasturchilar o‘zlarining Twitter’dagi sahifasi orqali uch g‘ildirakli avtomobil noodatiy funksiyasiga ega bo‘lishini ma’lum qilgan: u avtoturargoh yoki quvvatlantirish jarayonida turgan vaqtida mustaqil kriptovalyuta “qaziy” oladi. “Mayner-avtomobil” uchun oldindan buyurtmalar raqamli pullar bilan to‘lash mumkin, deb xabar beradi Motor.
Ma’lum qilinishicha, elektrokar ko‘plab — Dodgecoin’dan Bitcoin’ga qadar turli kriptovalyutalarni chiqara oladi. Buning uchun kompaniya Nebula nomli kriptovalyuta infratuzilmasini yaratgan va hozirda bu boradagi patent arizasini topshirgan. U Nebula Miner texnologiyasi va Nebul Wallet apparat hamyonini o‘z ichiga oladi.
Spiritus “bazasi” hozirda mayning uchun ilg‘or texnologiyalar bilan jihozlanmoqda. Avtomobil har safar avtoturargohga joylashtirilganida yoki istalgan quvvatlantirgichga ulanganida, o‘z egasiga pul keltiradi. Gap, shuningdek, Daymak tomonidan yaratilgan Ondata innovatsion simsiz quvvatlantirgichi haqida ketmoqda — kanadaliklar uni ham patentlash niyatida.
Nebula Wallet hamyoni yordamida esa kriptovalyutani saqlash, shuningdek, tranzaksiyalari amalga oshirish mumkin bo‘ladi. Hamyon turli xakerlik hujumlaridan ishonchli himoyalangan va to‘g‘ridan to‘g‘ri Spiritus interfeysiga ulangan bo‘ladi.
1-iyundan boshlab Daymak Spiritus uchun oldidan buyurtmalar qabul qilishni boshlagan. Ishlab chiqarish 2023-yilda yo‘lga qo‘yilishi va’da qilinmoqda. Buyurtmani kriptovalyuta, jumladan, Bitcoin, Ethereum, Dogecoin va Cardano orqali ham amalga oshirish mumkin.
Avvalroq kriptovalyuta olish uchun qazib olinayotgan yonilg‘ilar miqdorining oshib borayotgani sababli elektromobil ishlab chiqaruvchi Tesla kompaniyasi bitkoinlarni to‘lov sifatida qabul qilishni to‘xtatgandi.
Izoh (0)