27-may kuni Samarqand viloyati Jomboy tumani qarama-qarshi yo‘nalish bo‘ylab harakatlangan Nexia haydovchisi 46 yoshli piyodani urib yubordi. Bu haqda IIV YHXBB axborot xizmati xabar berdi.
Ma’lum qilinishicha, yo‘l-transport hodisasi tumanning “Ahmadjon Qurbonov” MFY hududidan o‘tuvchi 4K-502 avtomobil yo‘lining 2-kilometrida sodir bo‘lgan. Qarama-qarshi yo‘nalish bo‘yicha harakatlanib kelgan Nexia avtomobili piyodani urib yuborgan. Avariya oqibatida 46 yoshli piyoda ayol olingan tan jarohatlari oqibatida voqea joyida vafot etgan.
“Yo‘l belgisini ko‘rmay qolgan vaqtda mashinani boshqardim va yo‘lovchini turtib yubordim. Tez yordam chaqirdik. Tezligim 80—85 kilomter/soat edi”, — deydi Nexia haydovchisi.
Avvalroq Jomboyda Cobalt piyodani urib yuborishi oqibatida jabrlanuvchi voqea joyida vafot etgani, Samarqandda piyodalar yo‘lagidan o‘tayotgan 24 yoshli yigit yuk mashinasi urib yuborishi oqibatida halok bo‘lgandi, Samarqand tumanida turkiyalik haydovchi boshqaruvidagi Volvo yuk mashinasi urib yuborishi oqibatida 39 yoshli piyoda vafot etgani to‘g‘risida xabar berilgandi.
Izoh (0)