Канаданинг электромобиллар ишлаб чиқариш билан шуғулланувчи Daymak компанияси 2023 йилда тақдим этиладиган ўзининг Spiritus номли модели устида иш олиб бормоқда. Дастурчилар ўзларининг Twitter’даги саҳифаси орқали уч ғилдиракли автомобиль ноодатий функциясига эга бўлишини маълум қилган: у автотураргоҳ ёки қувватлантириш жараёнида турган вақтида мустақил криптовалюта «қазий» олади. «Майнер-автомобиль» учун олдиндан буюртмалар рақамли пуллар билан тўлаш мумкин, деб хабар беради Motor.
Маълум қилинишича, электрокар кўплаб — Dodgecoin’дан Bitcoin’га қадар турли криптовалюталарни чиқара олади. Бунинг учун компания Nebula номли криптовалюта инфратузилмасини яратган ва ҳозирда бу борадаги патент аризасини топширган. У Nebula Miner технологияси ва Nebul Wallet аппарат ҳамёнини ўз ичига олади.
Spiritus «базаси» ҳозирда майнинг учун илғор технологиялар билан жиҳозланмоқда. Автомобиль ҳар сафар автотураргоҳга жойлаштирилганида ёки исталган қувватлантиргичга уланганида, ўз эгасига пул келтиради. Гап, шунингдек, Daymak томонидан яратилган Ondata инновацион симсиз қувватлантиргичи ҳақида кетмоқда — канадаликлар уни ҳам патентлаш ниятида.
Nebula Wallet ҳамёни ёрдамида эса криптовалютани сақлаш, шунингдек, транзакциялари амалга ошириш мумкин бўлади. Ҳамён турли хакерлик ҳужумларидан ишончли ҳимояланган ва тўғридан-тўғри Spiritus интерфейсига уланган бўлади.
1 июндан бошлаб Daymak Spiritus учун олдидан буюртмалар қабул қилишни бошлаган. Ишлаб чиқариш 2023 йилда йўлга қўйилиши ваъда қилинмоқда. Буюртмани криптовалюта, жумладан, Bitcoin, Ethereum, Dogecoin ва Cardano орқали ҳам амалга ошириш мумкин.
Аввалроқ криптовалюта олиш учун қазиб олинаётган ёнилғилар миқдорининг ошиб бораётгани сабабли электромобил ишлаб чиқарувчи Tesla компанияси биткоинларни тўлов сифатида қабул қилишни тўхтатганди.
Изоҳ (0)