2017—2021-yillarda uglevodorod xomashyosi qazib olishni oshirish bo‘yicha chora-tadbirlar dasturi doirasida Eriell Group tomonidan “O‘zbekneftgaz” AJ tarkibiy bo‘linmalari bilan birgalikda, 2021-yil may oyida 10 ta quduq va ikkita kollektor gaz quvurlari sanoat foydalanishiga topshirildi. Shuningdek, bitta quduqni obodonlashtirish ishlari yakuniga yetkazildi.
Xususan, Qoraqalpog‘iston Respublikasida Ustyurt neft va gaz qazib chiqarish boshqarmasi “Sharqiy Berdaq” koni, 53-son qiya yo‘naltirilgan qudug‘i ishga tushirildi. Quduq debiti sutkasiga 141,850 ming kvadrat metrni tashkil etmoqda. Diametri 114x6 millimetr va umumiy uzunligi 505 metr bo‘lgan shleyfli gaz quvuri qurildi.
Xuddi shu konda 85 va 59-sonli quduqlar ishga tushirildi. Quduqlar debiti sutkasiga 143,379 va 159,683 ming kvadrat metrni tashkil etmoqda. Diametri 114x6 millimetr va umumiy uzunligi 1905 metr bo‘lgan gaz quvurlari qurildi.
“Sharqiy Berdaq” konida 96-sonli quduq ishga tushirildi. Diametri 114x6 millimetr va umumiy uzunligi 1100 metr bo‘lgan shleyfli gaz quvuri qurilishi amalga oshirildi. Shuningdek, Ustyurt gaz qazib chiqarish boshqarmasi “Quyi Surgil” konining 12-sonli qudug‘ini obodonlashtirish ishlari nihoyasiga yetkazildi.
Qashqadaryo viloyatidagi “Alon” konida uchta quduq ishga tushirildi, uchta shleyfli gaz quvuri va Qashqadaryo kollektor gaz quvurlarining liniya qismlari ishga tushirildi.
Xususan, Muborak neft va gaz qazib chiqarish boshqarmasi “O‘rtabuloq” konining 236-sonli qudug‘i ishga tushirildi. Quduq debiti sutkasiga 110,299 ming kvadrat metrni tashkil etmoqda. Xuddi shu konda 238-sonli quduq ishga tushirildi. Quduq debiti sutkasiga 107,09 ming kvadrat metrni tashkil etmoqda. Diametri 168,6 millimetr va umumiy uzunligi 4160 metr bo‘lgan shleyfli gaz quvuri qurilishi amalga oshirildi.
“Alon” konida kollektor-gaz quvurlari ishga tushirishga tayyor. Kollektor gaz quvurining “Alon” BVyan-2 dan “Alon” DKS-2 gacha bo‘lgan umumiy uzunligi 426x10 millimetr va umumiy uzunligi 4,1 kilometrlik liniya qismi, shuningdek, kollektor gaz quvurining “Alon” BVN-4 dan “Alon” DKS-2 gacha bo‘lgan diametri 530x10 millimetr va umumiy uzunligi 2,8 kilometr bo‘lgan liniya qismi qurildi.
Sho‘rtan neft va gaz qazib chiqarish boshqarmasi “Janubiy Tandircha” konida 59-sonli quduq ishga tushirildi. Diametri 108x8 millimetr va umumiy uzunligi 3315 metr bo‘lgan shleyfli gaz quvuri qurilishi amalga oshirildi.
Buxoro viloyatidagi Gazli neft va gaz qazib chiqarish boshqarmasi “Doyaxotin” konining 97-sonli qudug‘i ishga tushirildi. Shu yerda 98-sonli quduq ham ishga tushirildi. Uning debiti sutkasiga 186,538 ming kvadrat metrni tashkil etmoqda. Diametri 108x8 millimetr va umumiy uzunligi 4095 metr bo‘lgan shleyfli gaz quvuri qurilishi amalga oshirildi.
“Andakli” konida 14-sonli quduq ishga tushirildi. Diametri 108x8 millimetr va umumiy uzunligi 1470 metr bo‘lgan shleyfli gaz quvuri qurilishi amalga oshirildi. Eriell Group tomonidan “O‘zbekneftgaz” AJ bilan hamkorlikda mazkur yo‘nalishdagi ishlar davom ettirilmoqda.
Eriell Group matbuot xizmati
Izoh (0)