Jizzax shahridagi gaz to‘ldirish shoxobchasida gaz shlangini uzmasdan harakatlanib ketgan yuk mashinasi to‘liq yonib ketdi, deya xabar bermoqda YHXBB.
Qayd etilishicha, 2021-yilning 30-may kuni soat, taxminan, 19:00 lar atrofida Jizzax shahri “Zilol” mahallasida joylashgan “Transenergooil” MCHJga qarashli avtomobillarga gaz to‘ldirish shoxobchasida Jizzax shahrida yashovchi 1984-yilda tug‘ilgan haydovchi boshqaruvida bo‘lgan Dongfeng rusumli avtomobiliga gaz to‘ldirish vaqtida mashinaga ulangan gaz shlangini uzmasdan harakatlanib ketgan.
Oqibatda yong‘in kelib chiqqan. Yong‘in natijasida hech kim tan jarohat olmagan. Biroq avtomashina to‘liq yonib ketgan.
Yong‘in yuzasidan Jizzax shahar IIO FMB hamda Favqulodda vaziyatlar boshqarmasi tomonidan surishtiruv harakatlari olib borilmoqda.
Bundan avval Namanganda “KamAZ” yonib ketgani, Buxorodagi mehmonxona yerto‘lasida yong‘in sodir bo‘lgani hamda Ohangaronda yo‘l bo‘yidagi maydonda yong‘in sodir bo‘lgani haqida xabar berilgandi.
Izoh (0)