Sergelining “Qumariq” mahallasidagi 220 ta xonadonda 2-iyun kuni gaz ta’minoti vaqtincha o‘chiriladi

Toshkent shahri Sergeli tumanining ayrim xonadonlarida gaz ta’minoti vaqtincha o‘chiriladi, deya xabar bermoqda tuman hokimligi.

Qayd etilishicha, 2-iyun kuni “Sergelitumangaz” gaz ta’minoti bo‘limi tomonidan “Qumariq” mahallasidagi Savatchi ko‘chasidagi yerusti D-57 millimetrli gaz quvurini boshqa xavfsiz joyga ko‘chirish ishlarni amalga oshirish rejalashtirilgan.

Shu bois 2-iyun soat 11:00 dan 17:00 ga qadar “Qumariq” mahallasining Savatchi ko‘chasidagi 220 ta xonadonlarda gaz ta’minoti vaqtinchalik to‘xtaladi.

Tuman hokimiyati vaqtinchalik noqulaylik uchun aholidan uzr so‘ragan.

Bundan avval O‘zbekistonda 2000 dan ortiq uy markazlashtirilgan issiqlik ta’minoti tizimiga ulanishi, O‘zbekistonda “aqlli” gaz hisoblagichlardan ma’lumotlarni yig‘ish to‘liq onlayn rejimga o‘tkazilayotgani hamda Toshkentdagi barcha xonadonlarga 2021-yil oxiriga qadar “aqlli” gaz hisoblagichlar o‘rnatilishi haqida xabar berilgandi.