Тошкент шаҳри Сергели туманининг айрим хонадонларида газ таъминоти вақтинча ўчирилади, дея хабар бермоқда туман ҳокимлиги.
Қайд этилишича, 2 июнь куни «Сергелитумангаз» газ таъминоти бўлими томонидан «Қумариқ» маҳалласидаги Саватчи кўчасидаги ерусти Д-57 миллиметрли газ қувурини бошқа хавфсиз жойга кўчириш ишларни амалга ошириш режалаштирилган.
Шу боис 2 июнь соат 11:00 дан 17:00 га қадар «Қумариқ» маҳалласининг Саватчи кўчасидаги 220 та хонадонларда газ таъминоти вақтинчалик тўхталади.
Туман ҳокимияти вақтинчалик ноқулайлик учун аҳолидан узр сўраган.
Бундан аввал Ўзбекистонда 2000 дан ортиқ уй марказлаштирилган иссиқлик таъминоти тизимига уланиши, Ўзбекистонда «ақлли» газ ҳисоблагичлардан маълумотларни йиғиш тўлиқ онлайн режимга ўтказилаётгани ҳамда Тошкентдаги барча хонадонларга 2021 йил охирига қадар «ақлли» газ ҳисоблагичлар ўрнатилиши ҳақида хабар берилганди.
Изоҳ (0)