УЕФА Чемпионлар Лигасининг 2020/21 йилги мавсум якунлари бўйича 23 кишидан иборат бўлган рамзий терма жамоани эълон қилди.
Ундан етти нафар «Челси» футболчиси ўрин олди. Финалчи «Манчестер Сити»дан эса 5 нафар футболчи таркибга киритилган.
Эътиборлиси, 23 талик таркибда «Ювентус» ҳужумчиси Криштиану Роналдуга жой топилмади. Турин клуби билан 1/8 финалга қадар етиб борган Роналду мавсум давомида 6 ўйин ўтказиб, 4 та гол ва 2 та голли узатмани аниқ амалга оширганди.
Мавсум рамзий (фентези) терма жамоаси:
Дарвозабонлар: Эдерсон («Манчестер Сити»), Тибо Куртуа («Реал»), Эдуард Менди («Челси»).
Ҳимоячилар: Сесар Аспиликуэта, Антонио Рюдигер, Бен Чилуэлл (барчаси – «Челси»), Рубен Диаш («Манчестер Сити»), Маркиньос («ПСЖ»), Давид Алаба («Бавария»).
Ярим ҳимоячилар: Жоржиньо, Мэйсон Маунт, Нголо Канте (барчаси – «Челси»), Кевин де Брюйне, Илкай Гундўғон, Фил Фоден (барчаси – «Манчестер Сити»), Лука Модрич («Реал»), Сержиу Oliveйра («Порту»).
Ҳужумчилар: Эрлинг Ҳоланд («Боруссия Д»), Килиан Мбаппе, Неймар (иккиси – «ПСЖ»), Роберт Левандовски («Бавария»), Карим Бензема («Реал»), Лионель Месси («Барселона»).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)