Yarim himoyachi Ngolo Kante “Chelsi” bilan birgalikda Chempionlar Ligasi 2020/21-yilgi mavsumida g‘olib bo‘ldi.
Bungacha fransiyalik futbolchi Jahon Chempionati—2018 va ikki marta Angliya Premyer Ligasida (2017 va 2016-yillarda) g‘alaba qozongandi. Shu tariqa Kante ushbu yutuqqa erishgan oltinchi futbolchiga aylandi.
Ngologacha bunday muvaffaqiyatga quyidagi futbolchilar erishgandi: Tyerri Anri, Fabyen Bartez, Juliano Belletti, Xerard Pike va Pedro.
Ma’lumot uchun, Ngolo Kante 2016-yildan beri “aristokratlar” safida to‘p surib keladi. Uning jamoa bilan amaldagi shartnomasi 2023-yilgacha mo‘ljallangan. U Premyer Liganing ortda qolgan mavsumida 30 o‘yin o‘tkazib, 2 ta golli uzatmaga mualliflik qildi.
Izoh (0)