Toshkentda 29-may kuni soat 21:00 atrofida kuchli shamol boshlagani, oqibatda shaharda chang bo‘roni kuzatilgani haqida xabar berilgan edi. Ma’lumotlarga ko‘ra, eng avjiga chiqqan vaqtida shamolning tezligi soniyasiga 17 metrga yetgan.
Shamol boshlanishi bilan Toshkent shahar IIBB ko‘chada harakatlanmaslikni, avtomobillarni daraxtlar va boshqa mustahkam bo‘lmagan konstruksiyalardan uzoqroq, xavfsiz joylarga qo‘yishni so‘rab aholiga murojaat qilgan edi.
Shunga qaramay ko‘ngilsiz holatlar baribir qayd etildi. Ijtimoiy tarmoqlarda kuchli shamol oqibatida singan daraxtlar va ularning shoxlari ostida qolib ketgan avtomobillarning foto va videolari e’lon qilindi.
Toshkentda avvalroq, 20-may kuni kuzatilgan shamol oqibatida ham daraxtlar qulagan, xususan, bir Malibu ulkan daraxt poyasi ostida majaqlangan edi (hodisa oqibatida haydovchi qiz jarohat olgani aytilgandi). Shuningdek, o‘sha kungi shamol sabab yerusti metro bekatlaridan birining tom qoplamalari uchib ketgan edi.
Izoh (0)