Toshkent viloyati hududidagi Shovvozsoy daryosining quyi oqimi chiqindixonaga aylangani haqida ijtimoiy tarmoqlarda fotolar tarqaldi.
Ekologiya va atrof-muhitni muhofaza qilish davlat qo‘mitasining ma’lum qilishicha, ushbu suratlar ijtimoiy tarmoqlarda paydo bo‘lishi bilan Toshkent viloyati Ekologiya va atrof-muhitni muhofaza qilish boshqarmasi, shuningdek, “Toza hudud” davlat unitar korxonasi mutaxassislari chiqindi tashlangan joyga yetib borgan.
Yuzaga kelgan masala joyida o‘rganildi va noqonuniy chiqindixona 29-may holatiga ko‘ra bartaraf etilgan.
“Hozirgi vaqtda shu yerga yaqin hududda istiqomat qiluvchi aholi, yuridik va jismoniy shaxslar bilan belgilanmagan joyga chiqindi tashlamaslik xususida tushuntirish ishlari olib borilyapti”, — deyiladi qo‘mita xabarida.
Izoh (0)