Bollivud aktrisasi Karishma Kapur haqida qiziqarli faktlar (foto)

Hind kinosanoatida o‘z o‘rniga ega bo‘lgan aktyor Randxir Kapur va Babitaning to‘ng‘ich farzandi Karishma Kapur 1974-yil 25-iyunda dunyoga kelgan.

Afsonaviy aktyor va rejissorning nabirasi bo‘lgan aktrisa ilk bor 16 yoshida suratga tushgan. Uning ishtirokidagi “Sevgi asirlari” filmi 1991-yil ekran yuzini ko‘rgan. Karishma aktrisalikka tayyorlanish uchun maktabni 6-sinfdayoq tark etishiga to‘g‘ri kelgan.

https://www.instagram.com/p/CHzgB3BF-4f/

“Devona qalb” filmi sabab 90-yillar oxirida eng yaxshi ikkinchi darajali aktrisa sifatida Milliy kinomukofotni qo‘lga kiritgan.

Italiyalik aktrisa Jina Lollobrijitni muxlisi bo‘lgan, onasi Lolo deb chaqirgan aktrisa Ajay Devgan hamda Abhishek Bachchan bilan munosabatda bo‘lgan. Onasining Abhishekni moliyaviy ahvolidan qoniqmagani juftlikning unashtirilganidan keyin hammasiga nuqta qo‘yishiga sabab bo‘lgan.

https://www.instagram.com/p/CJOSJwOLZ-z/

2004-yilda biznesmen Sanjay Kapur bilan turmush qurgan Karishma ikki nafar farzandni dunyoga keltirganidan keyin, u bilan boshqa-boshqa yo‘llardan ketishni afzal bilgan. Bugunga qadar 50 dan ortiq filmda suratga tushgan aktrisa ijrosidagi aksariyat filmlar mashhurlikka erishgan.

Karyerasini boshlagan vaqti o‘ziga xos go‘zalligi bilan ma’lum bo‘lgan Karishmaning 2003—2004-yillarda o‘z seriali ham bo‘lgan. “Karishma — to‘y mo‘jizasi” nomli mazkur serialida ikki xil turli qahramonni gavdalantirgan. Shuningdek, u 1998-yil Coca-Cola brendini Hindistonda qo‘llab-quvvatlagan Bollivud tarixidagi ilk aktrisa bo‘lgan.

https://www.instagram.com/p/CLg-_7IrcW_/

Shridevi va Madhuri Dikshitning muxlisi bo‘lgan aktrisa ijro va raqs borasida ulardan ilhomlanishga harakat qilgan. 4 karra Filmfare mukofotiga sazovor bo‘lgan Karishma Hindistonning eng go‘zal aktrisalaridan biri hisoblanadi.