Futbol bo‘yicha Yevropa Ligasi finalida “Vilyarreal” va “Manchester Yunayted” jamoalari 26-may, chorshanba kuni o‘zaro to‘qnash keldi.
Uchrashuvning 29-daqiqasida Xerard Moreno ispanlarni oldinga olib chiqdi. Ikkinchi bo‘lim debyutida Edinson Kavani muvozanatni tikladi.
Qolgan vaqtda hisob o‘zgarmadi va qo‘shimcha bo‘limlar belgilandi. Unda hisob o‘zgarmagach, penaltilar seriyasiga murojaat qilindi.
E’tiborlisi, penaltilar seriyasida har ikki jamoaning 11 nafardan futbolchisi zarbani ijro etdi. Yakuniy zarbada inglizlar darvozaboni David De Xea adashdi va “Vilyarreal” chempionga aylandi.
Yevropa Ligasi
Final bahsi
26-may, chorshanba
“Vilyarreal” (Ispaniya) — “Manchester Yunayted” (Angliya) 1:1
Gollar: 1:0 – 29 Xerard Moreno, 1:1 – 55 Kavani.Penaltilar seriyasi — 11:10
“Vilyarreal”: Ruli, Foyt (Mario Gaspar, 88), Pau Torres, Albiol, Pedrasa (Alberto Moreno, 88), Parexo, Pino (Pako Alkaser, 77), Trigeros (Moyses Gomes, 77), Kapu (Raba, 120+4), Bakka (Koklen, 60), Xerard Moreno.
“Manchester Yunayted”: De Xea, Uan-Bissaka (Mata, 120+3), Shou, Bayi (Tuanzebe, 116), Lindelyof, Brunu Fernandesh, Pogba (Jeyms, 115), Maktominey (Telles, 120+3), Kavani, Grinvud (Fred, 100), Reshford.
Ogohlantirishlar: Kapu (54), Bayi (82), Foyt (84), Kavani (113).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)