Kuchli beshlik chempionatlarining uchtasida 2020/21-yilgi mavsum yakunlariga ko‘ra g‘ayritabiiy natija qayd etildi.
Twitter’dagi Gracenote Live’ning yozishicha, Angliya Premyer Ligasi uchrashuvlarning atigi 38 foizida mezbonlarning qo‘li baland keldi. Fransiya chempionatida bu ko‘rsatkich 37 foizga teng bo‘lsa, La Ligada 42 foizni tashkil qilgan. Bu har bir liga uchun eng past ko‘rsatkichlar hisoblanadi.
Qayd etish joiz, 2020/21-yilgi mavsumning katta qismi koronavirus pandemiyasi tufayli tomoshabinlarsiz o‘tkazildi, tabiiyki, bu mezbon jamoalarning o‘yiniga ta’sir o‘tkazdi. Faqatgina mavsumning so‘nggi qismiga kelibgina bir qancha ligalarda muxlislar tashrifiga ruxsat berildi.
Angliyada “Manchester Siti” muddatidan oldin chempionlik masalasini hal qilgan bo‘lsa, Ispaniya va Fransiyada barchasi so‘nggi turda hal bo‘ldi. “Atletiko M” (Ispaniya) va “Lill” (Fransiya) musobaqa grandlarini ortda qoldirgan holda chempionlikni qo‘lga kiritdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)