Koronavirusga qarshi kurashish shtabi a’zosi, tibbiyot fanlari doktori Sevara Ubaydullayeva organizmda antitanalar yuqori bo‘lsa ham vaksina olish mumkinmi, degan savolgan javob berdi. Bu haqda SSV matbuot xizmati xabar berdi.
“Inson tanasida emlangandan so‘ng, qanday o‘zgarish bo‘lganini bilish uchun emlanishga qadar antitanalar titrini aniqlash mumkin.
Bu kabi tekshiruvni ixtiyoriy ravishda fuqarolarning o‘zi yoki vaksinalarning 3-bosqich klinik tadqiqotlarida ishtirok etayotgan davrda o‘tkazsa bo‘ladi.
Ma’lumki, bugungi kunda COVID-19 bilan kasallangan odamlar organizmida antitanalar bir necha oy saqlanishi tasdiqlangan. Bunday holatlarda antitanalar yuqoriligi immun himoyangiz borligini bildiradi. Biroq agar vaksina olsangiz, organizmda antitanalar titrini yanada oshiradigan immun jarayon kuzatilishini va immun himoyangiz mustahkamlanishini ta’minlaysiz.
Aksincha, vaksina olmasangiz, keyinchalik shu antitanalar titri me’yor darajasidan pastga tushib, organizmingiz himoyasiz qolishi va shu vaqtda vaksinaga ehtiyoj tug‘ilishi mumkin.
Bu degani, bemorlar bilan niqoblarsiz va o‘zaro masofa saqlamasdan muloqotda bo‘linganda, infeksiya organizmga tushishi va kasallik chaqirishi mumkin. Shu bois siz immun hujayralar, ya’ni antitanalar miqdorini aniqlaganingizda ham ularni nazorat qilib turishingiz, koronavirusdan himoyalanishda karantin qoidalariga qat’iy rioya qilishingiz va imkon qadar o‘z vaqtida vaksina olishingiz talab etiladi”, – deydi Sevara Ubaydullayeva.
Mavzuga doir:
Izoh (0)