Davlat soliq qo‘mitasi raisi Sherzod Kudbiyev 24-may, dushanba kuni “Toshkent 5 tashabbus harakati” festivali doirasidagi yoshlar bilan uchrashuvda soliq tushumlari haqida berilgan savolga javob qaytardi. Bu haqda “Daryo” muxbiri xabar qilmoqda.
“O‘tgan yili may oyida Soliq qo‘mitasi rahbarligiga kelganman. O‘shanda bizda soliq tushumlari 7,2 trillion so‘m edi. Dollarda hisoblasak, bu 720 million dollarni tashkil qiladi. Bugungi kunga kelib Soliq qo‘mitasi bir oyda soliqlardan 10 trillion so‘mdan ortiqroq mablag‘ tushiradi. Dollarga hisoblasangiz, bu 1 milliard dollarni tashkil qiladi. Soliq organlari bir oyda bir milliard dollar davlat budjetiga mablag‘ tushiradi.
Bu Prezidentimizning soliq siyosatidagi islohotlaridan keyin, 2020-yil 1-yanvardan boshlab yangi Soliq kodeksini ishlab chiqilganidan hayotga tatbiq qilinganidan so‘ng ro‘y berdi. Bugun bu islohotlar meva berishni boshladi”, — dedi Kudbiyev.
Izoh (0)