Uzbekistan Airways 15-iyundan boshlab Domodedovo aeroportidan parvozlarni qayta yo‘lga qo‘yadi

Uzbekistan Airways 2021-yilning 15-iyunidan boshlab Moskvaning Domodedovo aeroportidan parvozlar tiklanishi haqida e’lon qildi.

“Parvozlarni qayta tiklash to‘g‘risidagi qaror, avvalambor, o‘zbek aviakompaniyasining qulayligi va reyslarida yo‘lovchilarga xizmat ko‘rsatish darajasining oshishi bilan bog‘liq”, – deyiladi xabarda.

Uzbekistan Airways’ning Rossiyadagi mintaqaviy vakili Akmal Jo‘rayev aviakompaniya va Domodedovo hamkorligi yo‘lovchilarga vaqt va parvoz xarajatlarini sezilarli darajada tejash uchun yangi imkoniyatlar ochishini ta’kidladi.

“Biz hamkorlikning yangi sahifasini ochmoqdamiz va aeroportning texnologiyalari hamda vakolatlaridan foydalanib, Uzbekistan Airways’ning bozordagi mavqeyini mustahkamlashga intilyapmiz. Ishonchim komilki, O‘zbekistonning boy tarixi va madaniyati sayyohlarning e’tiborini tortadi, shuningdek, aviakompaniya parvozlaridagi qulaylik va xizmat sifati Domodedovodan jo‘nab ketish uchun sabab bo‘ladi”, – dedi Domodedovo aeroporti direktori Andrey Pavlov.

Bundan avval O‘zbekiston va BAA o‘rtasida aviareyslar soni oshirilishi, Saudiya Arabistonining Flynas aviakompaniyasi O‘zbekistonga muntazam qatnovlarni amalga oshirishni rejalashtirayotgani hamda Uzbekistan Airways mehnat muhojirlariga chegirmalarni bekor qilishi haqida xabar berilgandi.