Коронавирусга қарши курашиш штаби аъзоси, тиббиёт фанлари доктори Севара Убайдуллаева организмда антитаналар юқори бўлса ҳам вакцина олиш мумкинми, деган саволган жавоб берди. Бу ҳақда ССВ матбуот хизмати хабар берди.
«Инсон танасида эмлангандан сўнг, қандай ўзгариш бўлганини билиш учун эмланишга қадар антитаналар титрини аниқлаш мумкин.
Бу каби текширувни ихтиёрий равишда фуқароларнинг ўзи ёки вакциналарнинг 3-босқич клиник тадқиқотларида иштирок этаётган даврда ўтказса бўлади.
Маълумки, бугунги кунда COVID-19 билан касалланган одамлар организмида антитаналар бир неча ой сақланиши тасдиқланган. Бундай ҳолатларда антитаналар юқорилиги иммун ҳимоянгиз борлигини билдиради. Бироқ агар вакцина олсангиз, организмда антитаналар титрини янада оширадиган иммун жараён кузатилишини ва иммун ҳимоянгиз мустаҳкамланишини таъминлайсиз.
Аксинча, вакцина олмасангиз, кейинчалик шу антитаналар титри меъёр даражасидан пастга тушиб, организмингиз ҳимоясиз қолиши ва шу вақтда вакцинага эҳтиёж туғилиши мумкин.
Бу дегани, беморлар билан ниқобларсиз ва ўзаро масофа сақламасдан мулоқотда бўлинганда, инфекция организмга тушиши ва касаллик чақириши мумкин. Шу боис сиз иммун ҳужайралар, яъни антитаналар миқдорини аниқлаганингизда ҳам уларни назорат қилиб туришингиз, коронавирусдан ҳимояланишда карантин қоидаларига қатъий риоя қилишингиз ва имкон қадар ўз вақтида вакцина олишингиз талаб этилади», – дейди Севара Убайдуллаева.
Мавзуга доир:
Изоҳ (0)