“Real” bosh murabbiyi Zinedin Zidan La Liga so‘nggi turi oldidan mavsum borasidagi fikrlari bilan o‘rtoqlashdi.
2017-yilda biz chempionatni so‘nggi kunda yutgandik. Bu futbol va La Ligani chiroyli qiladigan jihat. Mavsum yaxshi bo‘ldi, biroq asosiysi bor kuch bilan mehnat qilish edi va biz buni uddaladik.“Real” so‘nggi tur oldidan peshqadam “Atletiko”dan ikki ochko ortda qolmoqda. Zidan shogirdlari 22-may kuni “Vilyarreal”ga qarshi bahs olib boradi, “Atletiko” esa “Valyadolid” mehmoni bo‘ladi. Har ikki o‘yin 21:00 da boshlanadi.Ko‘ramiz, 10 dan 10 bo‘larmikin yoki 9,5. Biz borimizni berib uch ochko olishimizga ishonamiz. Shogirdlarim har doim yuz foiz kuchini sarflaydi. Boshidan oxirigacha, jarohatlar bilan, koronavirus bilan...
Ayrim kichik holatlar uchun afsusdaman, chunki o‘zimga nisbatan talabim kuchli. Men g‘oliblardanman. Yutqazishni yomon ko‘raman, garchi ayrim vaqtlarda meni hech nima bezovta qilmayotgan bo‘lsa ham.
G‘alaba uchun borimni beraman, bu “Real”ning qonida bor. Futbolchilar g‘alaba qozonishni xohlamoqda va qiyinchiliklarga qaramay, bor kuchini sarflashga tayyor.
Zinedin Zidan, “Real” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)