“Barselona” jamoasi Ispaniya La Ligasi so‘nggi turi doirasida 22-may, shanba kuni “Eybar”ga qarshi bahs olib boradi. O‘yin Toshkent vaqti bilan 21:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar ro‘yxatini e’lon qildi. Undan 21 nafar futbolchi o‘rin olgan.
Uchrashuvni Lionel Messi o‘tkazib yuboradi. Argentinalik futbolchi mavsumning so‘nggi o‘yinida ishtirok etmaydi. Shu tariqa Messi qatorasiga ikkinchi mavsumda “Oltin butsa”ga ega chiqolmaydigan bo‘ldi. Bundan avval Messi ketma-ket uch mavsum ushbu sovrinni qo‘lga kiritgandi.
Ayni vaqtda ligada 29 ta gol urgan Leo “Oltin butsa” uchun kurashda “Bavariya” forvardi Robert Levandovskidan (39 ta gol) ortda qolmoqda.
Shuningdek, uchrashuvni Mark Andre ter Shtegen, Filippe Koutinyo va Ansu Fati jarohat sabab o‘tkazib yuboradi. Kleman Langle, Serxi Roberto, Pedri Gonsales kabi futbolchilar ham qaydnomadan joy olmagan.
Qaydnomadan joy olgan futbolchilar bilan tanishing:
Darvozabonlar: Neto, Arnau Tenas, Inyaki Penya;
Himoyachilar: Xerard Pike, Ronald Arauxo, Samyuel Umtiti, Xordi Alba, Xunior Firpo, Serjinyo Dest, Oskar Mingesa;
Yarim himoyachilar: Serxio Buskets, Frenki de Yong, Miralem Pyanich, Rikard Puch, Ilaysh Moriba, Mateus Fernandes, Konrad de la Fuente;
Hujumchilar: Antuan Grizmann, Usmon Dembele, Martin Breytueyt, Fransishku Trinkau.
Eslatib o‘tamiz, “Barselona” La Liga chempionligi uchun kurashdan chiqqan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)