“O‘zgidromet” xabariga ko‘ra, 21-may kuni kunning ikkinchi yarmida Farg‘ona vodiysi viloyatlarida va kechga tomon Toshkent viloyatida qisqa muddatli yomg‘ir yog‘ishi ehtimoli bor. Shamol 17-22 metr/sekundgacha kuchayishi kutilmoqda.
Dam olish kunlarida faqat tog‘oldi va tog‘li hududlarda ba’zi joylarda momaqaldiroq bilan qisqa muddatli yomg‘ir yog‘adi. Shamol 17-22 metr/sekundgacha kuchayadi. Harorat dam olish kunlarida ko‘p yillik me’yordan 2-3 darajaga yuqori bo‘ladi va kechasi 15-20 darajani, kunduzi 29-34 darajani tashkil etadi.
“O‘zgidromet”ning ogohlantirishicha, mahalliy yomg‘irlar yog‘ishi hisobiga respublikaning tog‘oldi va tog‘li hududlarida sel kelishi xavfi bor.
Izoh (0)