Jahon sog‘liqni saqlash tashkiloti (JSST) bosh direktori Tedros Gebreyesus koronavirusga qarshi emlandi. Bu haqda u 12-may kuni o‘zining Twitter sahifasida e’lon qildi.
“Bugun mening koronavirus infeksiyasiga qarshi emlanish navbatim. Vaksina hayotlarni saqlab qoladi. Ularni imkon qadar tezroq barcha hududlarga yetkazish juda muhim”, — deb yozdi u.
Today it was my turn to get vaccinated @Hopitaux_unige against #COVID19. Vaccines save lives. It’s critical to get them to all counties A.S.A.P. If like me you live in a country where vaccines are available, please get vaccinated when it’s your turn. pic.twitter.com/ioNMLH5TW9
— Tedros Adhanom Ghebreyesus (@DrTedros) May 12, 2021
Gebreyesusning qanday vaksina bilan emlangani ma’lum qilinmagan.
Shuningdek, u vaksinatsiya imkoniyati mavjud bo‘lgan mamlakatlarning fuqarolarini koronavirusga qarshi emlanishga chaqirdi.
Avvalroq Armaniston bosh vaziri vazifasini bajaruvchi Nikol Pashinyan va uning rafiqasi Anna Akopyan koronavirusga qarshi emlangan edi. “Bugun Anna bilan koronavirusga qarshi emlandik. Biz fuqarolarimizni kasalxonalardan faol foydalanishga va emlanishga chaqiramiz”, — deydi siyosatchi o‘zining Facebook sahifasida.
Shuningdek, Germaniya kansleri Angela Merkel koronavirusga qarshi AstraZeneca vaksinasining birinchi dozasi bilan emlandi. Undan oldinroq Yevropa komissiyasi raisi Ursula fon der Lyayyen koronavirusga qarshi vaksinaning birinchi dozasi bilan emlangani haqida ma’lum qilindi.
Mavzuga doir:
Izoh (0)