Жаҳон соғлиқни сақлаш ташкилоти (ЖССТ) бош директори Тедрос Гебрейесус коронавирусга қарши эмланди. Бу ҳақда у 12 май куни ўзининг Twitter саҳифасида эълон қилди.
«Бугун менинг коронавирус инфекциясига қарши эмланиш навбатим. Вакцина ҳаётларни сақлаб қолади. Уларни имкон қадар тезроқ барча ҳудудларга етказиш жуда муҳим», — деб ёзди у.
Today it was my turn to get vaccinated @Hopitaux_unige against #COVID19. Vaccines save lives. It’s critical to get them to all counties A.S.A.P. If like me you live in a country where vaccines are available, please get vaccinated when it’s your turn. pic.twitter.com/ioNMLH5TW9
— Tedros Adhanom Ghebreyesus (@DrTedros) May 12, 2021
Гебрейесуснинг қандай вакцина билан эмлангани маълум қилинмаган.
Шунингдек, у вакцинация имконияти мавжуд бўлган мамлакатларнинг фуқароларини коронавирусга қарши эмланишга чақирди.
Аввалроқ Арманистон бош вазири вазифасини бажарувчи Никол Пашинян ва унинг рафиқаси Анна Акопян коронавирусга қарши эмланган эди. «Бугун Анна билан коронавирусга қарши эмландик. Биз фуқароларимизни касалхоналардан фаол фойдаланишга ва эмланишга чақирамиз», — дейди сиёсатчи ўзининг Facebook саҳифасида.
Шунингдек, Германия канцлери Ангела Меркель коронавирусга қарши AstraZeneca вакцинасининг биринчи дозаси билан эмланди. Ундан олдинроқ Европа комиссияси раиси Урсула фон дер Ляйен коронавирусга қарши вакцинанинг биринчи дозаси билан эмлангани ҳақида маълум қилинди.
Изоҳ (0)